Bahrom Haydarov: "Raqib ham, biz ham yutqazishga haqqimiz yo'q edi"

O'yin haqida

- "Surxon" muxlislarini uzoq kutilgan g'alaba bilan tabriklayman. Bugun turnir jadvalida yonma-yon turgan jamoalar to'qnash kelishdi. Bu kabi o'yinlar qiyin kechadi. Ular ham, biz ham yutqazishga haqqimiz yo'q edi. SHu sababli har ikki jamoa maydonda borini berib harakat qildi.

Birinchi bo'limda bir oz tashabbusga ega bo'lib turgandik. Ikkinchi bo'limda har ikki jamoa gol urish uchun o'ynadi. SHuni hisobiga har ikki jamoada ochiq xududlar va golli vaziyatlarga yuzaga kela boshladi. Bu kabi o'yinlarda imkoniyatdan foydalangan jamoa yutib ketadi. Omad bizga kulib boqdi. Ehtiyotkorlikni yo'qotishga haqqimiz yo'q, so'ngi daqiqalarda raqib hisobni tenglashtirib qo'yishi mumkin edi.

- "Surxon" hujumkor ruhda o'ynayotgan bo'lsa gollar soni kam. Bu borada ish olib borilayaptimi?
- Alohida har bir xolat bo'yicha ishlaymiz. Mashg'ulotlarda gol kiritish bo'yicha turli uslublarni sinovdan o'tkazamiz. O'yinga chiqqan futbolchi ruhiy jihatdan tayyor bo'lishi kerak. Mashg'ulotda 5 ta vaziyatdan 5 ta gol ursa, o'yinda ura olmayapti. Tarkibimizda Superliga tajribasiga ega futbolchilar kam. Lekin quvontirgan jihati har bir maydonga chiqqan futbolchi borini berib harakat qilayapti. Keyingi o'yinlarda ham maqsadimiz yo'lida harakat qilamiz.