So'nggi yillarda Superligada sovrinli o'rinlar uchun kurashayotgan olmaliqliklar tarkibida joriy mavsum bir qator tajribali va nomdor futbolchilar yig'ildi. CHempionlik uchun kurashayotgan jamoaning mazkur mag'lubiyati va mezbonlarning g'alabasi qaysidir manoda sensaciya sifatida qabul qilindi. Bu albatta tabiiy hol. Xo'sh, AGMKni mag'lub etishda maydon egalari nimadan kuch olishdi yoki o'yindan oldin qo'shimcha motivaciya berildimi? SHu va boshqa savollarimizga "gazchilar"ning sardori va etakchisi Sardor Abduraimov javob berib o'tdi.
- Odatda daraja jihatdan ikki xil jamoa maydonda to'qnashganda imkoniyati past baholangan jamoa futbolchilarida ishtiyoq ikki hissa yuqori bo'ladi. AGMK bilan bahsda "Mashal" futbolchilarida mana shu ishtiyoq yaqqol sezildi. Umuman o'yinga tayyorgarlik qanday bo'lgandi?
- To'g'ri aytdingiz. AGMK oxirgi mavsumlarda yuqori o'rinlar va chempionlik uchun kurashadigan jamoaga aylandi. Bu yil esa OCHL guruh bosqichida qatnashdi. Raqibimizning saviyasi va darajasi malum edi. Bunday jamoalarga qarshi maydonda ikki hissa kuch bilan harakat qilishingizga to'g'ri keladi. Yaxshi kayfiyatda tanaffusga yo'l oldik.
- AGMK jamoasini o'rganish jarayonida qaysi ojiz nuqtasi etibor tortdi? Kuchli raqib bilan bahs oldidan sinchkovlik bilan o'rganish muhim hisoblanadi...
- Ularni yaxshi o'rganib chiqqandik. Takidlaganingizdek kuchsiz emas, kuchli tomonlariga etibor berdik. Maydonda ustun jihatlarini yo'qqa chiqarishga harakat qildik, deya olaman. Mazkur g'alaba jamoamizga yanada ko'tarinki kayfiyat va ishonch bersa ajabmas.
- Aksariyat klublarda chempionat etakchisiga qarshi bahslardan oldin qo'shimcha motivaciya berish maqsadida moliyaviy rag'bat vada qilinadi...
- Bunday holat har bir jamoada turlicha, deb o'ylayman. Qaysidir klubda moliyaviy imkoniyatlari yuqori yoki buning aksi. AGMK bilan o'yindan oldin qo'shimcha motivaciya sifatida mukofot pullari vada qilinmagandi. Futbolchilar bilan gaplashib olib o'z maydonimizda yutqazishga haqqimiz yo'q dedik. Bor gap shu.
- Ushbu uchrashuvdagi taktik kurashda "Mashal" AGMKni yutdimi? Boisi ishtiyoq yoki xohishni o'zi kamlik qilishi mumkin...
- Murabbiylarimiz juda to'g'ri taktikani tanlay olishdi. Olmaliqliklarning nimalarga qodirligidan xabarimiz bor edi. Ularni qanday taktika asosida yutishimiz kerakligini murabbiylarimiz tushuntirishdi.
- "Mashal"ning tom manodagi sardori va etakchisiga aylanib boryapsiz. Demak sizda yana katta jamoalarda, legioner sifatida o'yinashga umid uyg'ondi desak bo'ladimi? Mavsum boshida ham xorijdan takliflar bo'lgandi...
- Katta jamoalarda to'p tepish niyatim bor. "Mashal"ni ham oddiy jamoa demagan bo'lardim. Legionerga aylanishimga kelsak, variantlar yo'q emas. Hammasini vaqt ko'rsatadi.
Abdulaziz Iskandarov suhbatlashdi
Bosh sahifaga
167