Mazkur musobaqalarda Qashqadaryo viloyati futbol mahorat maktabi tarbiyalanuvchilari ham munosib ishtirok etib, 64 nafari medallarga ega chiqishgan edi.
Ushbu munosabat bilan joriy yilning 4 dekbar kuni Qarshi shahridagi Yoshlar ishlari agentligi Qashqadaryo viloyat boshqarmasida sovrindor bo'lgan yosh futbolchilar va ularning trenerlarini taqdirlash marosimi o'tkazildi.
Marosimda ishtirok etgan O'zbekiston Respublikasi Jismoniy tarbiya va sport vazirligi boshqarma boshlig'i Jamshid Hasanov, viloyat jismoniy tarbiya va sport boshqarmasi boshlig'i Komil Xolmatov, “O'zbekiston Qaxramoni” unvoni sohibasi, O'zbekiston “Adolat” SDPning Qashqadaryo viloyat kengashi deputati Muhabbat SHarapova, Qashqadaryo viloyat futbol mahorat maktabi direktori, “O'zbekiston Respublikasida xizmat ko'rsatgan yoshlar murabbiyi” unvoni sohibi Nurali Sultonovlar kumush va bronza medallarini qo'lga kiritgan istedodli yosh futbolchi – o'quvchilar va ularning ustozlarini qutlab, keyingi yilda bo'lib o'tadigan chempionat bellashuvlarida ham muvaffaqiyat tilashdi. Tadbir doirasida shuningdek, viloyat futbol mahorat maktabining 24 nafar sportchi-o'quvchilari O'zbekiston Respublikasi Prezidentining PF – 5924 – sonli Farmoniga asosan 2020 – 2021 yilda oliy o'quv yurtlariga qo'shimcha davlat granti asosida imtihonlarga sinovsiz qabul qilinishi malum qilindi. Tadbir so'nggida barcha sportchi - o'quvchilar va ularning trenerlari qimmatbaho esdalik sovg'alari bilan mukofotlanishdi.
Qashqadaryo viloyat futbol mahorat maktabining manaviyat-marifat ishlari bo'yicha direktor o'rinbosari SHavkat Ro'ziev hamda o'z muxbirimiz Ilhom Rahmonov tayyorladi
Bosh sahifaga
331