Biz uchun ahamiyatlisi, hamyurtimiz Eldor SHomurodovning Italiya chempionatidagi ajoyib harakatlari bo'ldi. Surxondaryolik futbolchi kuzda Rostovdan Apennin sari yo'l olar ekan, uning top-ligada o'ynab keta olishiga shubha qilganlar talaygina edi. Biroq, SHomurodov nafaqat o'ynadi, balki "Eldorado"ga aylandi.
23 may kuni Eldorning mavsum davomida Edin Jeko ("Roma"), Olive Jiru, Timo Verner (har ikkovi — "CHelsi"), Usmon Dembele ("Barsa"), Mauro Ikardi (PSJ) hamda Aleksis Sanchesdan ("Inter") ko'proq gol urgani haqida malumot bergandik.
Bugun Italiyaning "La Gazzetta dello Sport" nashri o'z tasnifiga ko'ra A Seriyaning o'tgan mavsumda yaxshi o'ynagan futbolchilar yuzligini elon qildi. Unda kuchli o'nlik quyidagicha ko'rinish kasb etgan:
1. Romelu Lukaku ("Inter")
2. Frank Kesse ("Milan")
3. Krishtianu Ronaldu ("Yuventus")
4. Luis Muriel ("Atalanta")
5. Nikolo Barella ("Inter")
6. Rodrigo de Paul ("Udineze")
7. Zlatan Ibragimovich ("Milan")
8. Lorenco Insine ("Napoli")
9. Ashraf Hakimi ("Inter")
10. Remo Froyler ("Atalanta")
Eldor SHomurodov esa reytingning 85-pog'onasiga joylashtirilgan. Etiborli jihati, 8 ta gol urgan forvard "Inter"ning chempionligiga munosib hissa qo'shgan Samir Handanovich, italyan futbolining so'nggi 10 yillikdagi eng kuchli himoyachisi Jorjo Kellini, "neradzurrilar"ning qimmatbaho yarim himoyachisi Kristian Eriksen hamda afsonaviy Frank Riberidan yuqoriroqqa joylashgan.
Malumot uchun, A Seriyaning o'tgan mavsumida 554 nafar futbolchi maydonga tushdi. Ulardan 336 nafari legionerlar hisoblanadi.
F.R.
2212610318739688 
Bosh sahifaga
623
2 Dekabr 2025, 16:03