Mashg'ulotlardan so'ng terma jamoa bosh murabbiyi Vadim Abramov championat.asia saytiga intervyu berdi.
- Terma jamoa bir necha kun davomida tog'da mashg'ulotlar o'tkazdi va Toshkentdagi yig'in boshlandi...
- Barchasi joyida. Odatiy rejimda ishlashda davom etayapmiz. Sizga hech qanday yangilik ayta olmayman.
- Jarohat olgan O'runov va Yaxshiboev yig'inga kelmasligi aniqmi? Boshqa jarohat olganlar yo'qmi?
- Oston O'runov va Jasur Yaxshiboev jarohat tufayli yig'inga kelishmaydi. SHukurki boshqa jarohat olganlar yo'q.
- Terma jamoa sardori Odil Ahmedovda kichik jarohat bor edi...
- Odil Ahmedovning jarohati o'yinlarda ishtirok etishiga to'sqinlik qilmaydi deb o'ylayman.
- 29 may kuni Dubayda Avstraliyaga qarshi o'ynaymiz...
- Ha, 30 daqiqadan uchta taym o'ynaymiz. Buni Avstraliya bosh murabbiy istadi. Baribir 90 daqiqa o'ynaymiz, shunchaki uchta 5 daqiqalik tanaffus bo'ladi va agar kerak bo'lsa futbolchilarni almashtirib olamiz.
- Dubaydan to'g'ri Saudiya Arabistoniga uchib ketiladimi?
- Ha albatta, 1 iyun kuni Dubaydan uchamiz.
- Raqiblarni ham kuzatib borayapsizmi?
- Albatta kuzatayapmiz. Bundan tashqari bizning birinchi o'yinimiz 7 iyun kuni bo'ladi, raqiblarimiz esa 3 iyun kuni o'ynashadi. Ularni stadiondan kuzatib boramiz.
- Eldor SHomurodov mavsumni ajoyib yakunladi va ketma-ket gollar urdi. Bu quvontirmoqda...
- Albatta bu yaxshi belgi. Asosiysi milliy terma jamoada ham gollar urishni davom ettirishi. U yaxshi formada va terma jamoaga foyda keltiradi deb umid qilaman. Ko'p narsa sheriklariga ham bog'liq bo'ladi.
- Muxlislar terma jamoamizdan g'alaba kutishmoqda...
- G'alaba qozonishni bizdan ko'proq hech kim xohlamayotgan bo'lsa kerak. Muxlislarni xafa qilmaslikka urinamiz. Barchasini o'yinlar ko'rsatib beradi.
- Markazlashgan saralash bahslari haqida so'nggi fikringiz...
- Qaror qabul qilib bo'lingan. Endi uni muhokama qilish befoyda. SHunchaki meni tashvishga solayotgan narsa bu iqlimga moslashish. Saudiya Arabistoni bilan baribir safarda o'ynashimiz kerak edi. Faqat endi yana ikkita qo'shimcha o'yinni ham shu erda o'tkazamiz.
Kamoliddin Alimov suhbatlashdi
Bosh sahifaga
441
3 Dekabr 2025, 11:54