Dastlab, gruziyalik mutaxassis olib kelindi. SHota Yustinovich "sherlar" boshqaruvidagi ilk yillarida ko'proq legionerlarga umid bog'ladi. U birinchi yilning o'zidayoq hujum chizig'ini kuchaytirish uchun 3 ta transferni amalga oshirdi.
2017 yilning iyulida Turkiyaning "Adana Demirspor" jamoasidan olib kelingan Tiago Bezerra kelgusi yilning oxiriga qadar "Paxtakor" uchun o'ynadi. U bu muddat ichida O'zbekiston birinchiligi bahslarida 45 o'yin o'tkazib, 21 bor raqiblari darvozasiga yo'l topishni uddaladi. Braziliyalik futbolchi Superliganing 2018 yilgi mavsumida 17 gol bilan musobaqaning eng yaxshi to'purari ham bo'lgandi. Bezerra O'zbekistondan keyin faoliyatini Qatar chempionatida davom ettirishga qaror qildi. 34 yoshli hujumchi ayni paytda Yulduzlar Ligasida "Al Sayliya" sharafini himoya qilyapti.
Gidi Kanyuk ham Tiago bilan bir kunda "sherlar" safiga kelib qo'shilgan. Toshkent klubi uning transferi uchun 600 ming evro sarflaydi. Biroq, isroillik futbolchi Bezerradan farqli ravishda SHotaning ishonchiga kira bilmadi. SHu tufayli qishki transfer oynasida Tel-Avivning "Makkabi" jamoasiga ijaraga berib yuborildi. 28 yoshli futbolchi ayni paytda Tailand chempionati vakili "CHonburi" klubida to'p tepmoqda.
Kanyuk jamoadan ketgach, SHotlandiyadan Ismail Gonsalvesh olib kelindi. 400 ming evroga xarid qilingan futbolchi "Paxtakor" uchun 1 yil o'ynab berdi. Portugaliyalik hujumchi 2018 yilgi mavsumda "sherlar" libosida 35 o'yinda maydonga tushib, 18 golga mualliflik qildi. "Paxtakor"dan keyin bir muddat Tehronning "Istiqlol"ida o'ynagan futbolchi oxirgi mavsumni Hindiston Superligasida o'tkazdi. Ismaning "CHennay" futbol klubi amaldagi mehnat shartnomasi bugun yanun topdi. U ertadan boshlab erkin agent hisoblanadi.
Quyoshli Osiyoning futboli g'alat (FR blogi)
Bosh sahifaga
245