Ushbu uchrashuvdan so'ng samarqandiklar safidagi tajribali futbolchilar Obid Jo'raboev va Sardor Eminov saytimizga fikrlarini bildirib o'tdi.
Obid Jo'raboev - Xudoga shukur safarda o'ynaganimizga qaramasdan g'alaba qozonib oldik. To'g'ri bunga qadar mehmondagi natijalarimiz o'xshamayotgandi. Deylik "Oq-tepa" bilan o'yinda imkoniyatni boy berib, qimmatli ochkoni yo'qotgandik. Raqibimiz "Olimpik" yaxshi shakllangan jamoa hisoblanardi. Timur Kapadze qo'l ostida yosh va g'alabaga chanqoq o'yinchilar jamlangandi. Gapni ochig'i o'yin juda qiyin kechdi. Ko'rib turibsiz havo juda issiq. Jamoadoshlarim qo'ldan kelganicha harakat qilishdi. Birinchi bo'limdan so'ng murabbiyimiz ko'proq to'p bilan harakat qilishimizni takidladi. Buning natijasida bizda vaziyatlar ko'p bo'ldi. Birinchi bo'lim oxirida SHohruh Abdurahmonovning hisobni tenglashtirgan goli qo'shimcha ruhiy ustunlik berdi, deya olaman.
Samarqandagi o'yinlar kechki salqinda o'tmoqda. Stadionimizda sharoitlar yaxshi. Futbolimiz mutasaddilaridan o'yinlarni ko'proq 19:00dan keyinga qo'yishlarini so'rab qolardim. CHunki havo issiq, bu futbolchiga jismoniy jihatdan qiyin bo'ladi. Uchrashuvlarning salqinda o'tishi faqat biz uchun emas, stadionga tashrif buyuradigan muxlislarga ham engillik beradi.
Sardor Eminov - Qiyin o'yin o'tkazdik. Bunday og'ir uchrashuvlar hali yana ko'p bo'ladi. CHunki Pro ligada oson g'alaba qozoniladigan bahsning o'zi yo'q. Nima ham derdim, maqsadimiz sari oldinga intilishda davom etamiz. "Olimpik"ni mag'lubiyatga uchratib muhim uch ochkoni qo'lga kiritdik va kuchli uchlikka kirdik. "Dinamo"ni Superligaga qaytarishni istaymiz. Buni ko'plab muxlislarimiz kutmoqda. Raqibimiz joriy yilgi Pro ligani yanada qiziqarli o'tishini taminlamoqda. Tarkibida yosh iqtidorlar o'zlarini ko'rsatishga intilishmoqda. Taxminimcha ular shu zayilda davom etishsa, kuchli beshtalikka kirishadi.
Abdulaziz Iskandarov yozib oldi
143816167739630 
Bosh sahifaga
72
13 Dekabr 2025, 13:59