O'zbekiston Respublikasi Prezidentining 2019 yil 4 dekabrdagi "O'zbekistonda futbolni mutlaqo yangi bosqichga olib chiqish chora-tadbirlari to'g'risida"gi PF-5887 sonli Farmonlari ijrosini taminlash maqsadida xududlarda yoshlarni sportga keng ko'lamda jalb etish, xususan futbol sport turining ommaviyligini oshirish borasida bir qator samarali ishlar olib borilmoqda.
Yana bir necha kunlardan so'ng Farg'onada futbol bo'yicha viloyat birinchiligi - Ikkinchi liga bahslariga start beriladi. SHu munosabat bilan bugun mazkur chempionat ishtirokchisi - Yozyovon tumanining "Yozyovon-Lochinlari" futbol klubi mavsumoldi rasmiy taqdimot marosimini o'tkazdi.
Taqdimot marosimida Yozyovon tumani hokimi D. Djalilov, tuman prokurori I.Xodjaev, Farg'ona viloyati futbol associaciyasi texnik direktori Ravshan Mirzakarimov hamda bir qator mutasaddi tashkilotlar vakillari ishtirok etdilar. Joriy mavsumda o'z oldiga Ikkinchi liga g'olibligini maqsad qilib qo'ygan universitet jamoaning mavsumoldi taqdimot marosimi ko'tarinki ruhda tashkil etildi. Marosim davomida so'zga chiqqan mutassaddilar "Yozyovon-Lochinlari" futbol klubiga mavsum davomida omad va g'alabali onlar yor bo'lishini, yakunda jamoaning viloyat birinchiligida g'olib bo'lgan xolda Birinchi liga musobaqalariga yo'llanmani qo'lga kiritishlariga tilak bildirdilar.
Bekzod Tolibov tayyorladi
143816167739630 
Bosh sahifaga
176
14 Dekabr 2025, 15:01