Jamoa azolari bugun "Metallurg"ga qarshi o'rtoqlik uchrashuvida maydonga tushadi. Biz mazkur o'yin oldidan "Bunyodkor" bosh murabbiyi SHuhrat Maqsudovga bir nechta savollar bilan yuzlandik.
- Jamoaning natijalari, turnir jadvalida egallab turgan o'rni yaxshi emas...
- Yosh futbolchilarimiz o'yinni yaxshi olib borishmoqda. Qaysidir o'yinlarda omad etishmayapti. Gohida to'p darvozaga kirishni istamayapti. O'tgan turlarni yomon o'tkazdik, demagan bo'lardim. Fursatdan foydalanib "Bunyodkor" klubi rahbariyati va bosh homiyimizga, hamda muxlislarga bizga ishonch bildirayotgani uchun minnatdorchilik bildiraman. Superligadagi tanaffus bu - ko'pga kelgan to'y.
- Oldinda terma jamoamizni masuliyatli uchrashuvlar kutmoqda. Baribir istaymizmi yo'qmi asosiy raqib Saudiya Arabistoni. 2015 yil Osiyo kubogida Mirjalol Qosimovning murabbiylar shtabida bu terma jamoaga qarshi bahsda ishtirok etgansiz. Demak ularning kuchi va imkoniyatlaridan xabadorsiz...
- Ushbu bahsdan so'ng oradan 6 yil o'tdi. Ko'p narsa o'zgardi. Lekin Saudiya Arabistoni jiddiy bo'lib qolgan. Terma jamoamizga omad tilab qolaman. Murabbiylar shtabidan tortib, futbolchilargacha yurtimizga yorug' yuz bilan qaytishlarini chin dildan tilayman. O'ylaymanki, hammasi yaxshi bo'ladi.
- So'nggi paytlarda siz tomoningizga bo'layotgan tanqidlarga munosabatingiz...
- Kimgadir shu narsa kerakki, gap so'z tarqatyapti. SHu paytgacha nechta tur o'tgan bo'lsa, muxlislar yoki hakamlar bilan tortishganim yo'q. Qaerdan bunday gaplar chiqyapti hayronman. Afsuski, shunday odamlar bor. Insof bersin, deb qolaman.
Abdulaziz Iskandarov suhbatlashdi
Bosh sahifaga
357