Mazkur uchrashuv oldidan o'z vaqtida terma jamoamiz safida to'p tepgan, bevosita JCH-2010 saralash bosqichida Singapur bilan o'yinda raqib darvozasini ishg'ol qilgan Aziz Ibragimov bugungi bahs oldidan fikrlari bilan o'rtoqlashdi.
Bunday masuliyatli o'yinlarga kuchsiz jamoa ham yaxshigina tayyorgarlik ko'radi
"Raqib Singapur terma jamoasi bo'lsada, xotirjamlikka berilmaslik kerak. Bunday o'yinlarga barcha terma jamoalar yaxshi tayyorgarlik ko'radi, hatto kuchsiz baholangan jamoa ham. Hozirda terma jamoa jamoamiz ajoyib sport formasida. So'nggi ikki o'rtoqlik uchrashuvida vakillarimiz g'alaba qozonib kayfiyatni ancha ko'tarib oldi. Hamyurtlarimizga omad tilayman. Eldor SHomurodov o'z gollari bilan muxlislarni xursand qiladi, degan umiddaman. Bugun chiroyli o'yin bo'ladi va terma jamoamiz yakunda g'alabani o'ziniki qiladi",- deydi Aziz Ibragimov.
Singapur bilan 7:3 natijasi qayd etilgan o'yin xotiralari
"O'sha uchrashuvda juda yaxshi o'ynaganmiz, yakunda 7:3 hisobi bilan g'alaba qozonganmiz. O'yin qanday o'tganini hisobdan ham bilish mumkin. Bahsdagi gollardan biriga mualliflik qilgandim. Vaholanki bu paytlarda Singapurning yarim tarkibi mahalliylashtirilgan legionerlardan iborat edi. Nomlarga etibor qaratsangiz, buni bilib olish oson bo'ladi",- deydi Aziz Ibragimov
Bugun terma jamoamiz yuqoridagi rekordni yangilaydimi?
"Milliy jamoamiz bugun bundan ham ko'p gol ura oladi. Tarkibimizda hujumkor va tezkor, texnik tomondan kuchli futbolchilar jamlangan",- deydi Aziz Ibragimov.
Aziz Ibragimovning terma jamoa libosidagi eng yodda qolgan o'yini qaysi?
"Terma jamoada o'tkazgan eng yorqin paytlarim 2007 yilgi Osiyo kubogiga to'g'ri keladi. O'shanda juda yaxshi sport formasida edim. CHexiyada to'p tepardim. Rauf Inileev murabbiylik qilgan Malayziyadagi musobaqada yomon ishtirok etmaganmiz",- deydi Aziz Ibragimov
Katta futbol bilan xayrlashgan Aziz Ibragimovni endi murabbiy sifatida ko'ramiz
"Hozirda murabbiylik licenziyalariga o'qimoqdaman. Nasib qilgani bo'ladi. Yaxshi murabbiy sifatida o'sishga erishish niyatim bor",- deydi Aziz Ibragimov.
Abdulaziz Iskandarov yozib oldi
Bosh sahifaga
134