Jamoa ayni paytda kuniga ikki mahaldan mashg'ulotlarni olib borishmoqda. Kecha futbolchilar "Bunyodkor" akademiyasida shug'ullandi. Hususan jamoa azolari dastlab tug'ilgan kunini nishonlagan Doniyor Usmonovni o'zgacha tabriklash bilan mashqlarga kirishishdi. Malumot o'rnida aytib o'tish joiz aksariyat klublar qatori "Mashal"ham futbolchilarning jismoniy holatini nazorat qiluvchi "Fitogether" texnikasidan foydalanmoqda. Biz shu va boshqa savollar bilan mashg'ulot oldidan jamoa bosh murabbiyi Aleksandr Xomyakovning fikrlarini tingladik.
- Aleksandr Andreevich ortda qolgan turlar davomida nima o'xshadi-yu yoki aksincha siz o'ylagandek bo'lmadi...
- Hozir bu haqida nimadir deyish qiyin. O'xshamagan narsa bu o'zimizga kerakli ochkolarni jamg'ara olmaganimiz. Superligada yuzaga kelgan tanaffus foydamizga ishlaydi, deb o'ylayman. Tanaffusdan oldin AGMKni mag'lub etdik va qaysidir manoda ko'tarinkilik berdi. Lekin o'yinimizda men qoniqmayotgan ayrim detallar bor. Ayni paytda o'sha etishmayotgan narsalarni to'ldirish ustida ishlayapmiz. Toshkentdagi yig'inimiz davomida 3ta o'rtoqlik uchrashuvida maydonga tushishni rejalashtirganmiz. Birinchi o'rtoqlik bahsida "So'g'diyona" bilan o'ynadik. Mana shu uchrashuvlarda o'yinimizni yaxshilashni maqsad qilganmiz. Hujumda va himoyadagi muammolarimiz ko'zga tashlanyapti. Ishlashda davom etamiz.
- Birinchi turda "Bunyodkor"ga qarshi o'yindan so'ng jamoamning salohiyati haqida hali to'liq fikr bildira olmayman, degan edingiz. Oradan malum vaqt o'tdi. Xo'sh, bu boradagi fikrlaringiz o'zgardimi?
- Yana aytaman, jamoamning salohiyati yuqori. SHundan kelib chiqib aytishim mumkinki, kuchli beshlikka kirishga salohiyatimiz etadi. Men shuning uchun "Mashal"ga keldim. Buning uchun ruhiyat masalasida yanada ko'proq ishlashimiz kerak. Futbolchilar o'z kuchiga ishonishlari zarur. Bu ularning qo'lidan keladi.
- Ukeme Uilyamsni "Nasaf" mashg'ulotlarida ko'rdik. Mazkur holatga aniqlik kirita olasizmi?
- Hozircha unga poziciya topa olmayapman. Men kuchaytirishni istaydigan chiziqlar bor. Transferlar oynasida legioner va mahalliy futbolchilarni olish qiyin. CHunki legionerlarimiz limiti bor. Uning o'rniga boshqa futbolchi olsak, legionerlardan biriga javob berishimizga to'g'ri kelardi. Ukemening salohiyati yomon emas. Lekin biz hozir boshqacha futbol o'ynamoqdamiz. Ukeme Uilyams "Nasaf"ning uslubiga mos. Menimcha foyda keltira oladi. Yana o'ylab ko'ramiz.
- Yozgi transferlar oynasida jamoada qanday o'zgarishlarni ko'ramiz?
- Hozir aniq biror narsa ayta olmayman. Albatta klub rahbariyati va selekciya bo'limi ishlashmoqda. Qaysidir chiziqlarni kuchaytirishga urinib ko'ramiz.
- Yangi texnologiya sifatida futbolimizga kirib kelgan, futbolchilarning jismoniy holatini nazorat qiluvchi "Fitogether" texnikasi haqida fikringiz qanday?
- Ayni paytda bu qurilmaga o'rganish va moslashish jarayoni ketyapti. Futbolchilarning tezligi, qancha chastotada yugirayotgani, ularning funkcional holatini bilishda yordam beradi. Bunga albatta vaqt kerak. O'ylaymanki, bu foydamizga xizmat qiladi.
Abdulaziz Iskandarov suhbatlashdi.
Bosh sahifaga
199