O'tgan mavsum bu jamoa safida Jasur Yaxshiboev, SHahboz Umarov va Humoyunmirzo Iminov kabi o'zbekistonlik futbolchilar to'p tepishgandi.
Bu yil yozgi transfer oynasi vaqtida ikki nafar o'zbekistonlik hujumchilar SHahzod Ubaydullaev va Bobir Abdixoliqov ushbu klub safini to'ldiradi.
Malumotlarimizga ko'ra, yaqindagina rahbariyat tomonidan "Energetik-BGU" oldiga mavsumni kuchli uchlikda yakunlash vazifasi qo'yilgan. Mana shu vazifani bajarish uchun klub o'zbekistonlik ikki hujumchini o'z safiga chorladi. Belarus chempionatida 5 iyul kuni transfer oynasi ochiladi va shundan keyin Abdixoliqov va Ubaydullaev jamoa tarkibida maydonga tushish imkoniyatiga ega bo'lishadi. Kecha ikkala futbolchi ham Toshkent-Minsk yo'nalishi bo'ylab Belarus poytaxtiga uchib ketishdi.
Malumot uchun, "Energetik-BGU" ayni paytda Belarus chempionatining eng yosh jamoasi hisoblanadi. Klubning o'rtacha yoshi 22,7ga teng. "Energetik-BGU"ning maqsadi yosh futbolchilarni o'ynatib ularni yanada kuchliroq klublarga transfer qilish hisoblanadi. O'tgan yil klub Ilya SHkurinni Moskvaning CSKA, Jasur Yaxshiboevni Soligorskning "SHaxtyor" klublariga transfer qilgandi.
Bosh sahifaga
208