Kecha o'yin mahali havo harorati minus 8 darajani ko'rsatdi. Bunday past haroratda oyoq mushaklarini jismoniy yuklamaga tayyorlash alohida yondoshuvni talab kiladi. Yana bir muhim jihat o'yin davomida oyoq mushaklarining sovib kolmasligidir. CHunki past haroratda badan sovishi mushaklarda moddalar almashinuvini susaytiradi, elastikligi kamayadi, mushaklar spazmi yuzaga keladi, natijada jarohat olish va eski muammolar kuchayishiga sabab bo'ladi. Bu vaziyatda muhim omil futbolchining ob-havoga mos kiyinishidir. SHu sababli o'yindan avval futbolchilar uchun o'yin kiyimlariga mos qilib "gamash" (sportivnye kalgotki) tayyorlab qo'yilgandi.
Maydonga chiqishdan avval esa bunday "gamash"larni kiyish mumkin emasligi aytildi. O'yin komissari va inspektoriga murojaat kilib, shifokor sifatida fikrimni aytarkanman, ular "mumkin emas"dan nariga o'ta olishmadi.
Juda ko'p xalqaro o'yinlarda bevosita ishtirok etganman. SHunday, past ob-havoda gamash kiyib o'ynalgan holatlar ko'p bo'lgan. OFK doirasidagi o'yinlarida ruxsat berilgan holat bizning Superligada o'tmasligi... Qolaversa, futboldagi kiyinish koidalari o'yinchining salomatligini asrashga karatilgan. SHunday ekan, past ob-havoda badanni sovuqdan asrash uchun o'yin kiyimiga mos, ichki sport kiyimlarni taqiqlash to'g'ri emas.
CHempionatimizning oxirgi turlari hamda kubok bahslari xuddi shunday sovuq ob-havoda o'tishi tayin. SHunday ekan, futbolchilarimizning salomatligini o'ylagan holda mutasaddilar ushbu holatni etiborga olishadi degan umiddaman", - deb yozadi Abror Pirriev telegramdagi o'z kanalida.
Bosh sahifaga
150
1 Mart 2021, 06:36