OLDINGI TO'QNASHUVLAR
Bu jamoalar hozirga qadar ikki marta o'zaro o'yin o'tkazishgan. Ikkalasi ham o'rtoqlik uchrashuvi doirasida o'tgan. 2008 yil may oyida Rotterdamda o'tgan bahsda Niderlandiya 3:0 hisobida g'alaba qozongan. 2010 yil avgust oyida Doneckda to'qnash kelishgan. Bu safargi bahsda 1:1 hisobi qayd etilgan. Ayni paytda Ukraina terma jamoasi bosh murabbiyi bo'lib ishlayotgan Andrey SHevchenko yuqoridagi ikkala o'yinda ham ishtirok etgan.
Niderlandiya 2014 yildan buyon xalqaro musobaqada ishtirok etmay kelayotgandi. Jamoa Evro-2016 va JCH-2018ga chiqa olmagandi. "Lolalar yurti" jamoasi Evropa chempionatida oxirgi 4ta o'yinning barchasida yutqazgan (2008 yil chorak finalda Rossiyaga, 2012 yil guruhdagi uchala o'yinda). Niderlandiya 1988 yilgi Evropa chempioni hisoblanadi.
Ukraina ketma-ket uchinchi bor Evropa chempionati final bosqichida ishtirok etadi. Jamoa 2012 yil musobaqa mezboni sifatida to'g'ridan-to'g'ri yo'llanmaga ega bo'lgan, 2016 yilgi qita chempionatiga pley-off orqali chiqqan. Bu yilgi Evropa chempionatiga esa Ukraina ilk bor to'g'ridan-to'g'ri yo'llanma orqali chiqdi. Ukraina EVRO-2020 saralashida mag'lub bo'lmagan beshta jamoadan biriga aylandi. Ukraina Evropa chempionatiga hozirga qadar 6ta o'yin o'tkazgan va 5ta o'yinda gol ura olmay mag'lub bo'lgan. Faqat debyut uchrashuvida SHveciya taslim etilgan - 2:1. Qizig'i o'sha bahsda Andrey SHevchenko dublga erishgan. Yani Ukraina safida Evropa chempionatida faqat SHevchenko gol urgan xolos.
TAXMINIY TARKIBLAR
Niderlandiya: Stekelenburg; Dumfris, de Vrey, Timber, Blind, Veyndal; F. de Yong, de Roon, Veynaldum; Depay, Vegxorst
Ukraina: Bushan; Karavaev, Zabarniy, Matvienko, Mikolenko; Zinchenko, Sidorchuk, Malinovskiy; Yarmolenko, Yaremchuk, Zubkov
BOSH MURABBIYLAR FIKRI
Niderlandiya terma jamoasi bosh murabbiyi Frank de Bur: "Ukraina terma jamoasi o'yinlarini tomosha qildik, ularning kuchli tomonlarini bilaman. Ajoyib ijrochilarga ega bo'lgan jamoa. Ular munosib futbol namoyish etishadi, qisqa qilib aytganda bu qiyin raqib. Matteys de Ligt o'ynamaydi. Maarten Stekelenburg - asosiy darvozabonimiz".
Ukraina terma jamoasi bosh murabbiyi Andrey SHevchenko: "Bosh maqsadimiz - guruhdan chiqish. Eng asosiysi - o'z uslubimiz bor, undan hech qachon voz kechmaymiz. So'nggi yillarda taktik tomonlama ancha o'sishga erishdik. Har bir raqibga alohida tayyorgarlik ko'ramiz. Taktikamiz 4-3-3 yoki 3-5-2 bo'lishi mumkin, ammo o'yin uslubimiz o'zgarmaydi".
Niderlandiya - Ukraina
13 iyun 2021 yil. Amsterdam. "Yoxan Kroyff" stadioni. 23:55
Bosh hakam: Feliks Brix (Germaniya)
Qanot hakamlari: Mark Borsh va SHtefan Lupp (ikkisi Germaniya)
Zaxira hakami: Bartosh Frankovski (Polsha)
VAR hakami: Marko Fritc (Germaniya)
VAR hakami yordamchilari: Kristian Dingert (Germaniya), Li Betts (Angliya) va Styuart Ettuell (Angliya).
 Netherlands | EURO Grp. C . 1-tur 14/06/2021, 00:00 - : - Boshlanmadi |  Ukraine |
Stadion: Johan Cruijff Arena
Bosh hakam: Felix Brych
Bosh sahifaga
70