Ushbu uchrashuvdan so'ng jizzaxliklarning tajribali futbolchisi Jasur Hasanov saytimizga fikrlari bilan o'rtoqlashdi.
- "So'g'diyona" mavsumni juda yaxshi boshladi va shunday davom ettirmoqda. Lekin oldinda jamoani jiddiy raqiblarga qarshi uchrashuv kutayotganini unutmasligimiz lozim...
- Superligaga tayyorgarligimiz alo darajada bo'lgandi. Ortda qolgan o'yinlarda ijobiy natijalarni qo'lga kiritishga harakat qildik. Oldinda "Paxtakor" bilan oson bo'lmagan o'yinimiz bor. Ortda qolgan davr mobaynida 4ta o'rtoqlik o'yinidla maydonga tushdik. Barchasi samarali va foydali bo'ldi. Birinchi davrani qolgan to'rtta uchrashuvini g'alaba bilan yakunlamoqchimiz.
- Mana shu to'rtta turda "So'g'diyona"ning haqiqiy kuchini ko'ramizmi?
- To'rtta kuchli jamoa bilan o'ynaydi, shunga o'xshash har xil fikrlarni eshityapmiz. Biz oldindagi barcha bahslarga jiddiy qaraymiz. Bo'shashishga haqqimiz yo'q.
- O'z vaqtida terma jamoada to'p tepgan futbolchi sifatida Saudiya Arabistoni bilan o'yindan oldin qanday fikr bildira olasiz?
- Bizning futbolchilarni Saudiya Arabistoni o'yinchilaridan hech qanday kam joyi yo'q. Ustun tomoni bor, lekin kam emas. Barchaning niyati bitta, u ham bo'lsa terma jamoani Jahon chempionatida ko'rish.
- Mazkur uchrashuvga ko'proq qaysi tomondan tayyorgarlik ko'rish kerak, deb o'ylaysiz?
- Jismoniy tayyorgarligimiz zo'r bo'lsa, Saudiya Arabistonini yutsa bo'ladi. Bu tomondan ulardan kuchlimiz.
- Jasur Hasanovning 38 yoshda ham barqaror o'ynayotganini siri nimada?
- Har bir futbolchining o'zining tayyorgarligi bor. Masalan men o'yindan-o'yinga ikki hissa kuch bilan hozirlik ko'raman. SHuni evaziga hali hamon to'p tepib kelyapman.
- CHempionatimizda o'rningizni bosadigan futbolchini ko'ryapsizmi?
- Albatta topiladi. Ismini aytmayman. Lekin 2-3ta nomzodlar bor. "Bunyodkor", "Paxtakor" jamoalarida shunday futbolchilar to'p tepmoqda.
Abdulaziz Iskandarov suhbatlashdi
Bosh sahifaga
766