Ispaniya va SHveciya hozirgacha 15 marta to'qnash kelishgan. 7ta o'yinda Ispaniya zafar quchgan, 3ta bahsda SHveciya g'olib bo'lgan. Qolgan 5ta uchrashuvda durang kuzatilgan. SHveciya so'nggi bor 2006 yilda Ispaniyadan ustun kelgan.
Bu jamoalar bir-birini yaxshi biladi. Evropa chempionati saralashida Ispaniya Madridda 3:0 hisobida g'alaba qozongandi, SHveciya o'z uyida 1:1 hisobida durang o'ynagandi. Ispanlar 2008 va 2012 yillarda Evropa chempioni bo'lishgan, ammo hozir "La roxa" oson bo'lmagan darvni boshdan kechirmoqda. Himoya markazida Serxio Ramos yo'q, yarim himoyada esa ko'p narsa 18 yoshli "Barselona" vakili Pedriga bog'liq bo'ladi.
MUHIM STATISTIKA
EVRO-2020 saralashida ispanlar eng ko'p zarba berishdi (227), eng ko'p to'p bilan muomala qilishdi (70%) va to'p uzatishda eng yuqori aniqlikka erishishdi (91%). Ispaniya "La Kartuxa" stadionida bungacha 6ta o'yin o'tkazishgan va umuman mag'lub bo'lishmagan - 4ta g'alaba va 2ta durang. Aynan shu stadionda UEFA Millatlar ligasi doirasida Germaniya 6:0 hisobida tor-mor etilgandi.
TAXMINIY TARKIBLAR
Ispaniya: Unay Simon; Aspilikueta, Lyaport, Pau Torres, Alba; Lorente, Rodri, Pedri; Jerar Moreno, Morata, Ferran Torres
SHveciya: Ulsen; Lustig, Lindelef, Danielson, Augustinsson; S. Larsson, Ekdal, Ulsson, Forsberg; Isak, Berg
Luis Enrike (Ispaniya terma jamoasi bosh murabbiyi): "SHveciya safida jahon yulduzi deb atash mumkin bo'lgan futbolchi yo'q, ammo ular jamoaviy kuchlilar. Barcha futbolchilar baland, jismonan kuchli, himoyada tartibli o'ynashadi va maydonda nima qilishni bilishadi. Ularga qarshi bir necha bor o'ynadik va o'sha bahslarda SHveciyada ham imkoniyatlar bo'ldi. Hozir rasmiy musobaqada to'qnash kelamiz. Og'ir o'yin bo'lishiga shubha qilmayman. Umid qilamanki, barchasi biz uchun yaxshi tugaydi".
Yanne Andersson (SHveciya terma jamoasi bosh murabbiyi): "Ispaniyaga qarshi safarda o'ynash - zamonaviy futboldagi eng qiyin ishlardan biri. Bizni ajoyib sarguzasht kutmoqda. Bor kuchimiz bilan o'ynashimiz kerak, bunday darajadagi o'yinlarda o'zimizni ko'rsatganmiz va ertaga ham shunday bo'lishiga umid qilaman. O'tgan o'yinlarda Ispaniyaga tashvish tug'dirgandik. Agar barchasini to'g'ri bajarsak bizda ham imkoniyat bo'ladi".
Ispaniya - SHveciya
14 iyun 2021 yil. Sevilya. "La Kartuxa" stadioni. 23:55
Bosh hakam: Slavko Vinchich (Sloveniya)
Qanot hakamlari: Tomaj Klanchnik va Andraj Kovachich (ikkalasi Sloveniya)
Zaxira hakami: Davide Massa (Italiya)
VAR hakami: Bastian Dankert (Germaniya)
VAR hakami yordamchilari: Kris Kevanax (Angliya), Li Betts (Angliya) va Kevin Blom (Niderlandiya).
 Spain | EURO Grp. E . 1-tur 15/06/2021, 00:00 - : - Boshlanmadi |  Sweden |
Stadion: Estadio de La Cartuja
Bosh hakam: Slavko Vincic
2212610318739688 
Bosh sahifaga
374
29 Dekabr 2025, 09:45