Live  Evro-2020. Polsha – Slovakiya 1:2 (matnli translyaciya)

59. Petr Zelinski burchakdan ajoyib uzatmani oshirib berdi, ammo raqib birinchi bo'lib to'pga ega chiqdi.

58. Zarba!  Levandovskining jarima zarbasi orqali bergan zarbasidan keyin to'p jonli devorga tegib, maydonni tark etdi. 

56. Macey Ribusning ichkariga uzatmasi Robert Levandovskiga etib keldi, forvard zarba yo'lamoqchi bo'lganida himoyachining qarshiligiga uchradi.

54. Zarba!  Lukas Garaslinning zarbasi darvoza to'sini tepasidan o'tib ketdi.

52. Petr Zelinski darvoza tomon oshiqdi, ammo himoyachilar tomonidan to'xtatib qolindi. Polshada qulay imkoniyat. 

49. Zarba!  Petr Zelinskining uzoq burchak tomon zarbasi noaniq ketdi.

46. GOOOOOOOOOOOOOOOOOOOL!   Linetti yaqin masofadan gol urib, hisobni tenglashtirdi – 1:1! 

46. Ikkinchi bo'lim boshlandi! 

Birinchi bo'lim tugadi. Hozircha hisob – 0:1. Tanaffus! 

Birinchi bo'limga 1 daqiqa qo'shildi.

42. Zarba!  Vanihoyat, Levandovskini katta sahnada ko'rdik, biroq uning zarbasi ancha noaniq ketdi. 

41. Ondrjey Dudaning sherigi tomon amalga oshirgan uzatmasi noaniq chiqdi.

39. To'pga egalik qilish bo'yicha ko'rsatkich 61ga 39 ekan. 

36. Zarba!  Gamshikning uzoqdan bergan zarbasi aniq chiqmadi. 

34. Zarba!  Krixovyakning kuchli zarbasi sal noaniq ketdi. Undan oldin Levandovski-Linetti kombinaciyasi muvaffaqiyatsizlikka uchragandi. 

33. Kuchckaning bosh bilan bergan zarbasi to'g'ri SHensnining qo'liga borib tushdi. 

33. Malumotlarga qaraganda, gol rasmiy protokolda SHensni nomiga avtogol sifatida yozilgan. 

31. Oxirgi daqiqalarda Slovakiya keskin hujumlarni uyushtirmoqda. Polshaliklar uyg'onishlari lozim. 

29. Mateush Klix ichkari tomon yaxshi pas uzatdi, himoyachilar to'pni uzoqlashtirishdi.

27. Zarbaaa!  Kuckaning kuchli zarbasi darvoza to'sini tepasidan o'tib ketdi. 

26. Polsha himoyachilari ishonchli o'yin ko'rsatishmayapti, Garaslin ichkariga osonlik bilan kirib bordi. 

24. Hozircha o'yinning asosiy yulduzi Robert Levandovski unchalik ko'rinish bermayapti. 

22. Bu gal Krixovyak Xromadani yiqitdi va ogohlantirildi. 

20. Gubochan Krixoavyakni qo'pollik evaziga to'xtatib qoldi va sariq oldi. 

20. Slovakiya o'ziga kelib oldi, shekilli. Qanotdan hujum uyuushtirmoqda. 

18. GOOOOOOOOOOOOOOOOOOOOOOL!  Mak Polsha himoyasini yorib kirib, o'tkir burchakni nishonga oldi – 0:1! 

16. Macey Ribusning ichkariga uzatmasi xavfli ko'rinish kasb etmadi.

15. Kucka Zelinskini turtib yiqitdi, hakam aybdorni og'zaki tarzda jiddiy ogohlantirdi. 

14. Uuuuux!  Dudaning yaqin burchak tomon yo'llagan zarbasi golga o'xshab ketdi, to'p darvoza to'rining tashqi tomoniga tegdi.

13. Polsha himoya orqali hujum boshlayotganda to'pni yo'qotdi, Pekarik Slovakiyani oldinga boshladi. 

11. Ribus Pekarik bilan to'qnashish orqali qoidani buzdi. Hakam darhol futbolchilarning holidan xabar oldi.  

9. Polshaliklardan qoyilmaqom jamoaviy o'yin. O'yinchilar to'pni o'zlarida saqlash orqali o'yinni nazorat qilishyapti.

7. Hozircha katta ustunlik Polbsha tomonda. Jamoa to'pni raqibga bergisi yo'q. 

5. Petr Zelinski jarima maydoni ichkarisi tomon ajoyib kroosni amalga oshirdi. SHkrinyar jonbozlik ko'rsatib, to'pni qaytardi.

4. Zarba!  Robert Levandovski qulay poziciyadan zarba yo'lladi, ammo to'p o'z sherigiga tegib qoldi.

3. Marek Gamshik ichkariga pas uzatdi, ammo himoyachilardan biri xavfni bartaraf qildi.

2. Gjegoj Krixovyak Xromadaga nisbatan fol ishlatdi. Slovakiya jarima zarbasiga ega bo'ldi.

1. O'yin boshlandi!  Uni Slovakiya boshlab berdi. 

Terma jamoalar futbolchilari yashil maydonga chiqib kelishdi. Har ikki davlat madhiyasi yangramoqda. 

Jamoalar chigil yozdi mashqlarini olib borishyapti

Muxlislar "Gazprom Arena" tomon oshiqishmoqda

- Assalomu alaykum, qadrli futbol ishqibozlari!  Bugun Evropa chempionati "D" guruhi dastlabki turi doirasidagi Polsha – Slovakiya o'yini o'tkaziladi. Ushbu bahsni yaqin 2 soat ichida siz bilan birgalikda kuzatib boramiz.  

YANGILASH