Eng ko'p g'alaba va mag'lubiyat
Mavsumdagi g'alabalar soni bo'yicha Toshkentning "Paxtakor" klubi etakchi bo'lib turibdi — 7 ta. "Surxon", "Turon" va "Andijon" jamoalari esa mag'lubiyatlar soni bo'yicha peshqadamlik qilishmoqda — 6 tadan. 9-turdan keyin biror marta g'alaba qozonmagan yagona jamoa Yaypanning "Turon" klubi hisoblanadi. Hanuzgacha mag'lubiyatga uchramagan 2 klub bor: Piter Xyuistra boshchiligidagi "Paxtakor" va Ulug'bek Baqoevning "So'g'diyona"si.
Eng ko'p va kam gol urgan jamoalar
Raqiblari darvozasiga to'p kiritish bo'yicha ham "Paxtakor" va "So'g'diyona" etakchi — 22 tadan. Bu boradagi eng yomon natija "Turon" hamda "Surxon" jamoalariga tegishli — 6 (Yaypan klubi hali safarda birorta gol urgani yo'q).
Penaltidan eng ko'p foyda ko'rgan jamoalar
Mavsumning ushbu qismiga qadar o'tkazilgan bahslarda hakamlar 28 bor 11 metrlik nuqtaga ishora qilishgan. Penalti tepgan jamoalar orasida "Paxtakor" va "Lokomotiv" etakchi bo'lib turibdi. To'liq statistika bilan tanishing:
| klub | penalti |
|---|---|
| "Lokomotiv" | 4 |
| "Paxtakor" | 4 |
| "Navbahor" | 3 |
| "So'g'diyona" | 3 |
| "Bunyodkor" | 3 |
| "Surxon" | 2 |
| "Andijon" | 2 |
| AGMK | 2 |
| "Qizilqum" | 2 |
| "Metallurg" | 1 |
| "Qo'qon-1912" | 1 |
| "Mashal" | 1 |
Malumot uchun, "Turon" va "Nasaf" futbolchilari hali biror marta penalti ishlab olishmagan.
Eng ko'p penalti tepilgan o'yin
Namanganning "Navbahor" klubi Superliganing ikkinchi turida "Loko" maydoniga safar qilgan. O'shanda uchrashuvni boshqargan Zokir Qodirov 3 marta 11 metrlik nuqtaga ishora qilgan.
Penaltidan eng ko'p aziyat chekkan jamoalar
Bu borada Muborakning "Mashal" klubi etakchi bo'lib turibdi. To'liq statistika:
| klub | penalti |
|---|---|
| "Mashal" | 5 |
| "Lokomotiv" | 3 |
| "So'g'diyona" | 3 |
| "Navbahor" | 3 |
| "Turon" | 3 |
| "Qo'qon-1912" | 2 |
| "Bunyodkor" | 2 |
| "Andijon" | 2 |
| AGMK | 2 |
| "Nasaf" | 2 |
| "Surxon" | 1 |
Malumot uchun, "Paxtakor", "Metallurg" va "Qizilqum" darvozasiga hali biror marta penalti belgilanmagan.
Amalga oshirilmagan penalti(lar)
Joriy mavsumda belgilangan 28 penaltidan 6 tasi golga aylanmagan. Qulay imkoniyatdan foydalanolmagan futbolchilar quyidagilar: Stanislav Andreev ("Bunyodkor" darvozasiga), Azimjon Ahmedov ("Lokomotiv" darvozasiga), Islom Toshpo'latov ("So'g'diyona" darvozasiga), Jasur Hasanov ("Mashal" darvozasiga), Javohir Sidiqov ("Mashal" darvozasiga), Jasurbek Jaloliddinov ("Qo'qon-1912" darvozasiga).
Umumiy
Mavsumning ortda qolgan qismida 59 ta o'yin o'tkazildi. Ushbu uchrashuvlarda jami 140 ta gol urilgan. Bu har o'yinga o'rtacha 2,5 tadan to'g'ri keladi.
59 o'yinda jami 273 ta sariq kartochka ko'rsatilgan. Bu har o'yinga o'rtacha 4,6 tadan to'g'ri keladi. Bundan tashqari, referilar 2 bor 2-sariq kartochkadan keyin qiziliga murojaat qilishgan bo'lsa, 5 marta futbolchilar to'g'ridan to'g'ri maydondan chetlatilgan.
Ilhom Mo'minjonovning gapi to'g'rimi? (statistika)
Bosh sahifaga
434