"O'yin og'ir kechdi deya olaman. "Andijon" jamoasining katta ishtiyoq bilan o'ynaganini ko'rdik. Maqsadimiz navbatdagi bosqichga yo'llanma olish edi. G'alaba osonlikcha qo'lga kiritilmadi. Maydonda haqiqiy kurash kechdi. Uzun paslar bilan harakat qilganimizga sabab sifatida maydon holatining og'irligini ko'rsatgan bo'lardim. Vaziyatlar ko'p bo'lmadi, bitta gol o'yin taqdirini hal qildi.
Turnir jadvalining quiydagi jamoalar bilan negadir qiynalmoqdamiz. Superliga bahslarida ham "Buxoro", "Andijon" kabi jamoalar bilan og'ir o'yin o'tkazgan edik. Bugun o'tgan o'yindan yaxshi o'ynadik.
Biz hech qachon "Paxtakor" uchun ishlamaganmiz. Bu futbolchilarning tanlovi. Biz hozirgi sharoitda rahbariyatdan jamoaning o'zagini saqlab qolishni so'ramoqdamiz. CHunki, "Nasaf" har yili yuqori o'rinlar uchun kurashadi. Balki keyingi mavsum xalqaro maydonda ham ishtirok etishimiz mumkin. Jamoadagi o'yinchilarni almashtirish murabbiylarning rejasida yo'q.
Superligaga o'tish o'yini qachon bo'lishi haqida xabarim yo'q. Bu o'yin kurashlarga boy bo'ladi. "Neftchi" - "Andijon" o'yini men uchun ham qiziq.
Biz chempionlik uchun kurashmoqchi, xalqaro o'yinlarda munosib ishtirok etmoqchi bo'lsak tarkibni yanada kuchaytirishimiz kerak",- deydi Ro'ziqul Berdiev.
Bosh sahifaga
464