"Ko'rdinglar ajoyib muhit ostida o'yin bo'lib o'tdi. Ko'p yosh futbolchilarimizni sinovdan o'tkazib oldik. O'zlaridan yomon taassurot qoldirmadi. O'zimizning o'yinimizni ko'rsatishga harakat qildik, bir qator vaziyatlardan foydalana olmadik. Baribir "Navbahor" mahorat bobida ustun ekanligi ko'rinib turdi. Tarkibida Aziz Turg'unboev, Igor Golban kabi futbolchilari bor. Raqibni g'alaba bilan tabriklaymiz.
Bilasiz jamoamizga katta futbolchilarni taklif qilmaganmiz. Bor futbolchilar ham mavsumni o'tkazdik. Futbolchilar orasidagi farq sezildi baribir. Uslubimiz paslar bilan o'ynash, himoyadan hujumga paslar bilan chiqish. Ispaniyalik murabbiy kelmasidan avval ham shu futbolni o'ynayotgandik. U ham hissasini qo'shmoqda. Keyingi yil jamoani to'liq yoshartiramiz. Bir nechta futbolchilarni jalb qildik. Argentinadan futbolchi taklif qilganmiz. Uning masalasi 60 foiz hal bo'lgan.
Bu yilgi Pro liga bahslari juda qiziqarli o'tdi. "Neftchi" - "Turon" o'yinidagi vaziyatga munosabatim shunday, u erda muxlislarning aybi bo'lmadi. Fikrimcha "Neftchi"ning yoshi katta futbolchilarining aybi bilan bo'ldi. Mansur Saidov, Dilyorbek Ermatovlar nazorat qilishi kerak edi. Yoshlar qiziqqon baribir. Hissiyot, jahl bo'lgan taqdirda yoshi kattalar qaerga qarayotgandi? O'yinchilarni tinchlantirib kiyinish xonasiga olib kirishi kerak edi. Ushbu vaziyatda yoshlarni tinchlantirish maqsadga muvofiq bo'lardi. Farg'onadagi muhitda futbol o'ynash har bir futbolchining orzusi hisoblanadi. "Turon"ni Superligaga yo'llanma olgani bilan tabriklayman",- deydi Alisher SHog'ulomov.
Bosh sahifaga
470