Bahor-kuz mavsumidagi ishonchli "Milan" bilan bugungi ancha kuchli "Milan" o'rtasida ham kattagina farq mavjud. Naqadar g'alati eshitilmasin, Piolida o'ng qanot himoyachisi paydo bo'ldi. Stefanoning futbolida fulbeklar juda muhim sanaladi va gibrid rolni bajaradi: to'pning joylashuviga qarab, yo vinger, yoki qanotroqdagi markaziy himoyachilarni, kurashlardan keyin nazoratsiz qolgan to'plarni poylaydilar, lekin asosiysi – to'pni oldinroqqa olib o'tadi hamda hujumlarni qayta jonlantiradi. Pozicion hujumda ular – masofani nazorat qiladilar.
Avval Stefano himoyadan chiqishda faqat Teoga tayanib qolgandi va chap qanotga alohida urg'u berilishi, hujumlar asosan o'sha nuqta orqali tashkillashtirilishi raqiblarga qulaylik yaratardi, "Milan" o'yinini taxmin qilish osonroq edi. Hozir murabbiy qo'l ostida Kalabriya bor. Davide – etakchi "Milan"ning o'zgargan asosiy figurasi:
- O'rtacha har 90 minutda 4,7 marta to'pni olib qo'yish (birga-bir kurashlarning 85% ustun kelgan) – A Seriyada eng yaxshisi;
- O'rtacha har 90 minutda 6,4 marta pressingga muvaffaqiyatli kirishish (aynan futbolchining pressingga qo'shilishidan 5 soniya o'tib, to'pni olib qo'ygan) – ligada 13-natija va o'z poziciyasida eng yaxshi (umumiy urinishlar soni inobatga olinganda – umuman eng yaxshisi);
- O'rtacha har 90 minutda 5,4 o'yinni sezilarli darajada oldinga etkazish/o'tkazish (bunday to'p uzatishlardan keyin jamoa kamida 10 yardga oldinga siljigan. Etiborlisi, ular himoyada turib amalga oshirilmagan) – ligada 20-natija va o'z nuqtasida 3-ko'rsatkich.
Teodagi atletizm yo'q, Kuadradoning energetikasi ham yo'qdek – faqatgina keskin vertikal uzatma, katta hududni nazorat ostida ushlab turish va nozik did bilan raqibni bosimda ushlab turish. Bir-ikki oy ichida Kalabriya yaqqol ustun jihatlari yo'q, muxlislar tezroq qutilishni istaydigan yigitdan, A Seriyaning eng yaxshi fulbeklaridan biri.
Uning o'ng qanoti hozir – Italiyadagi eng yaxshi himoyaga ega nuqta hisoblanadi: boshqa istalgan klubning istalgan nuqtasini alohida olib solshitirganda, "Milan" darvozasi tomon Kalabriyaning poziciyasidan kamroq zarba yo'llangan.
To'g'ri, bu shunchaki statistika, u shunchaki himoyachi dersiz, lekin yuqoridagilar fakt.
Nozima Zaripova tarjimasi
Bosh sahifaga
470