"Uzoq masofa bosib kelgan muxlislarga rahmat aytaman. Menimcha bugungi g'alaba ularniki bo'ldi. Pro liga vakili "Oq-tepa"ning o'yini yoqdi, qo'rqmasdan bir-biriga pas oshirib o'ynashdi. Biz ham shunday o'ynashni paslar bilan harakat qilishni yaxshi ko'ramiz. Yigitlarga rahmat aytaman. Raqibdan ustun keldik. Ko'p vaziyatlardan foydalana olmadik. SHu bizning kamchiligimiz bo'lib qolmoqda. "Oq-tepa"ga ham tashkilotchilik va ajoyib maydon tanlashgani uchun minnatdorchilik bildiraman. Keyingi ishlariga muvaffaqiyatlar tilayman.
Ko'rayotgan bo'lsangiz ko'p o'yinlarda shunday vaziyatlardan foydalana olmayapmiz. Hamma narsani bittada o'rgata olmayman. Ular ham futbolchi, men ham insonman. Jamoa ko'ryapsizlar chiroyli o'ynamoqda, pressinglar qilmoqda. Yana o'rgatadigan narsalarim bor. Sekin asta men istagan o'yin yuzaga keladi. Aslida 5-6 oyda o'rgatadigan narsani bir oyda o'rgatdim. Futbolchilarning aqli ham bor, texnikasi kuchli. SHu bois tezda o'zlashtirishmoqda.
Azim Ahmedovni jamoaga kelganimdan beri markaziy himoyada o'ynatmoqdaman. Birinchi bor 2013 yil jamoaga kelganimda ham o'shanda Azimni markaziy himoyadagi o'yinini ko'rgandim, jamoani Superligada olib qolgandik. Hozirgi vaqtda jamoa boshqaruvimga o'tganimdan so'ng birinchi o'yindanoq uni mudofaa chizig'iga o'tkazdim.
Bu kubok musobaqasi. "Oq-tepa"ning "Xorazm" va "Turon" bilan o'yinlarini ko'rib o'rganib chiqdik. Ular yaxshi o'yin o'tkazmoqda. Biz bugun pressing qo'llab raqibga imkoniyat bermadik",- deydi No'mon Hasanov.
Bosh sahifaga
317