Ishonasizmi, ularning hatto sochi ham deryali bir xil paytda to'kilib ketgan. 14 noyabr kuni Milanellodan noxush xabar tarqaldi: Stefano Pioli koronavirus yuqtirib oldi va katta ehtimol bilan yakshanba kungi "Napoli"ga qarshi bellashuvni o'tkazib yuboradi. Endi vaqtincha jamoani Daniele Bonera boshqarib turadi. Bunga esa bosh murabbiyning o'ng qo'li Jakomo Murelli ham koronavirusga chalingani sabab bo'ldi. Murelli — tashqi ko'rinishidan Stefanoga juda o'xshab ketadigan va kiyinish uslubini ham ko'chiradigan mutaxassis.
Xo'sh, Piolining "egizagi" haqida nimalarni bilish zarur?
Murelli va Pioli tanishganiga qirq yildan oshdi: ularning har ikkisi yo'lini "Parma" yoshlar jamoasidan boshlagan
Ularning har ikkisi Emiliya-Romanya provinciyasidagi, regionning eng katta shahri Parmadan 20 daqiqalik hududda joylashgan aholisi hech qachon 6,5 mingdan oshmagan San-Sekondo-Parmense kommunasida dunyoga kelgan. 1979 yil "Parma" yoshlar jamoasida tanishib qolishadi va do'stlashishadi.
"Stefano bilan do'stligimiz futbol maydonidan tashqarida ham davom etadi. Biz uzoq yillardan buyon oilaviy yaqin aloqadamiz. Bir-birimizni juda yaxshi bilamiz va jonajon regionimizning asosiy jamoasida boshlaganmiz", — deydi Murelli.
Bu kabi voqealarda ko'p uchragani singari, malum vaqt o'tib, ikki do'stning yo'li ayrildi. 1984 yil Pioli "Yuventus"ga yo'l oladi va zaxira futbolchisi sifatida Italiya chempionatida va CHempionlar Kubogida zafar quchadi. Murelli esa anchayin kamtar "Avellino"ga o'tadi va A Seriyada jon saqlash uchun kurashadi.
Futbolchilik davrida "Avellino"da Murellini "anti-Maradona" deb atashardi: o'sha paytlarda "Napoli" va "Avellino" o'rtasidagi bellashuvlar sal kam o'rtoqlik o'yinidek o'tardi (har ikki klub A Seriyada Kampaniya regioni vakili sifatida harakat qilardi), "Napoli"ning argentinalik dahosini esa doimo Murelliga "ishonib topshirishardi". To'rt mavsum davomida Diego "Avellino"ga bor yo'g'i bitta gol urgan.
Maradonaga qarshi to'qnashuv Jakomo faoliyatining yuqori pallasi sifatida qayd etiladi: 1989 yil u "Avellino" bilan B Seriyaga ravona bo'ladi va qaytib elitada maydonga tushmaydi. Murelli faoliyatida shuningdek mashhur "Bolonya" ham bo'lgan, lekin ushbu jamoa bilan u S1 Seriyada ter to'kkan.
Pioli va Murelli 2004 yil qayta birlashdi va ortiq ayrilmadi
37 yoshda Murelli havaskor jamoa "Sudzara"ga yo'l oladi va faoliyatining so'nggi davrini o'tkazadi. Aynan o'sha erda u o'ynovchi murabbiyga aylanadi. Imkoniyatlari cheklangan jamoada malum yutuqlarga erishgach, 2003 yil "Modena"da Alberto Malezani murabbiylar shtabiga qo'shiladi. O'shanda jamoa V Seriyada harakat qilardi.
Oradan bir yil o'tib, Malezani istefoga chiqarishadi va uning o'rniga 39 yoshli Piolini taklif qilishadi. Stefano o'shanda bosh murabbiy sifatida ilk qadamlarini tashlayotgandi. Pioli yangi lavozimga tayinlangach Murellini o'zining asosiy yordamchisi etib tanladi. Ushbu vazifani Jakomo mana 16 yildan buyon bajarib keladi — Murelli Pioliga "Parma", "Grosseto", "Pyachenca", "Sassuolo", "Kevo", "Palermo", "Bolonya", "Lacio", "Inter", "Fiorentina" va endi "Milan"da yordamlashmoqda.
Pioli va Murellining ajoyib bir odatlari bor: ular ishga doim bir xil kiyinib kelishadi!
"Palermo"da shunday edi
"Inter"da shunday edi
"Fiorentina"da shunday edi
"Milan"da ham shunday
Qiziq, kim kimdan ko'chirar ekan-a?!
Yana bir qiziq fakt, har ikki qaxramon deyarli bir paytda, "Fiorentina"dagi davrda sochlari to'kilib ketgan. Mana buni haqiqiy do'stlik desa bo'ladi!
Nozima Zaripova tarjimasi
User 
Bosh sahifaga
91
20 Noyabr 2020, 15:38