Vadim Abramov: "Yarim yildan beri klubda bosh direktor kimligini bilmaymiz..."

"Nima ham derdim, o'zimiz mag'lub bo'ldik. O'yinimiz qandaydir tushunarsiz bo'ldi, o'xshamadi. Raqib uchta zarba berdi va shuncha gol urdi. To'g'ri o'ynamaganimiz hisobiga mag'lubiyatga uchradik.

Kubokni qaysi bosqichda tark etish alamli bo'lsa-bo'lmasa maydonga chiqib o'ynashimiz kerak edi. Mavsum shuni taqozo etdi. Xursand qiladigan tomoni mavsumni nihoyasiga etkazib oldik.

Klubda yarim yildan beri bosh direktor yo'q. Uning kimligini bilmaymiz, ko'rmaganmiz. SHunday bo'lsada biz o'ynadik.

Jamoada kim rahbarligini ham bilmaymiz. Nimalar bo'layotganini ham tushunmayapman. Hech kim yo'q, ko'rmayapmiz ham. U kim? Aytadigan hech qanday gapim yo'q",- deydi Vadim Abramov.