— Ayrimlar Abramov "Bunyodkor"ni jarlikdan olib chiqqani uchun terma jamoaga tayinlandi, deydi. Men futbol ichidaman va bitta savol bermoqchiman: klub qachon tubga tushib ketgan edi? Akademiyasi bor, tayyor kadrlari bor klubni kim tubga tushirib qo'ydi, men tushunmayman. Va Abramov nimasini olib chiqdi? U tayyor gul, lolalarni uzadigan bog'bon bo'lib keldi.
"Bunyodkor" tubdamas edi. To'g'ri, moliyaviy ahvoli yomon bo'lishi mumkin. Lekin, "qaldirg'ochlar" va "Nasaf"ning o'z yo'li bor. O'yinchisiz qolib ketgan taqdirida ham yangi futbolchilar chiqib turadigan akademiyasi bor. O'sha yoshlar bilan Superligadan tushib ketish haqida o'ylamasa ham bo'ladi. Abramov keldi, shu futbolchilarni o'ynatdi. Nimasi tubdan olib chiqish?
Men Karlenovichning "Neftchi"dagi, "Lokomotiv"dagi ishlarini yaxshi eslayman. Nima olamshumul ish qilgandi? "Bunyodkor"ga, balki, boshqa mutaxassis kelsa, bundan yaxshiroq natija qayd etardi. Tubdan olib chiqmoqchi bo'lsa, u "Andijon"ga borsin va 4 yo 5-o'ringa olib chiqsin, "Buxoro"ga borsin. "Paxtakor", "Lokomotiv" va "Bunyodkor" murabbiyga barcha sharoitni yaratib beradigan klublar, men uning oyligini ham bilaman. Kechirasiz, bu tubdan olib chiqish deyilmaydi.
Diyor Imomxo'jaev: "Xavotir Abramov tayinlanganda boshlangandi"
Bosh sahifaga
302
10 Yanvar 2026, 15:49