Unda Hamidjon Aktamov boshchiligidagi "Qizilqum" Mirjalol Qosimov shogirdlarining imtihonidan o'tishi kerak.
 AGMK | Superliga. 6-tur 22/06/2021, 20:00 - : - Boshlanmadi |  Qizilqum |
Ammo, Aktamov Olmaliqqa "oq bayroq" ko'tarish uchun bormasligi aniq. CHunki bu yilgi "Qizilqum" oldingilaridan keskin farq qilyapti. Jamoa natija uchun o'ynashni uddalamoqda. Navoiyliklar ortda qolgan 9 turda o'z darvozalaridan faqat 7 bor to'p olib chiqishdi. Bu borada chempionat etakchisi "Paxtakor"gina yaxshiroq natijaga ega - 5. "Qizilqum" ayni paytda mehmonda mag'lub bo'lmagan 3 jamoadan biri bo'lib turibdi. Etiborli jihati, klub safar o'yinlarida faqat 1 ta gol o'tkazib yuborgan. Bu Superliganing joriy mavsumdagi eng yaxshi natijasi hisoblanadi.
Solishtirish uchun, o'tgan mavsumning shu qismiga etibor qaratamiz. "Qizilqum" darvozasi 18 marta ishg'ol qilingan. Jamoa 2 ochko bilan oxirgi pog'onada turgan edi.
Xullas, o'z uyida hammadan zo'rroq o'ynayotgan AGMK safarda yutqazmayotgan, gol o'tkazmayotgan "Qizilqum"ga qarshi. Bu bahs Mirjalol Qosimov uchun 2 karra ahamiyatli.
CHunki AGMKdan yuqorida turgan "Paxtakor" va "So'g'diyona" bu turda ochko yo'qotdi. SHu tufayli Mirjalol Qo'shoqovich shogirdlari bugun g'alaba uchun 2 karra ko'proq harakat qiladi. Ko'ramiz, Olmaliqdagi o'yinda kimning ananasi yakun topadi?
Superliga, 6-tur (Qoldirilgan o'yin)
22 iyun, seshanba
AGMK – "Qizilqum" (20:00)
Hakamlar: Akobirxo'ja SHukurullaev, Bektursin Kannazarov, Jalg'asbay Sarsenov, Sultonmurod Abdurahmonov
Nazoratchi: Igor Nexochin
Komissar: Sardor Qudratullaev
Bosh sahifaga
102
