Ushbu uchrashuvdan so'ng "Paxtakor"ning tajribali futbolchisi Farrux Sayfievning fikrlari bilan qiziqdik.
- "Andijon" bilan uchrashuvdan oldin ko'pchilik "Paxtakor"ning oson yutishini taxmin qilgandi...
- O'yinni yaxshi boshladik. Tezkor gol urib olganimizdan so'ng biroz bo'shashish kuzatildi. Bu - futbol. Bunday holatlar bo'lib turadi. Asosiysi g'alabani qo'lga kiritdik. SHunga qaramasdan to'xtab qolishimiz kerak emas. Turnir jadvalida "So'g'diyona" bilan ochkolarimiz orasida farq kichik. Qolgan o'yinlarda bo'shashishga haqqimiz yo'q.
- Nima uchundir pastki o'rinlardagi jamoalar qolganlarga nisbatan juda qattiq karshilik ko'rsata olmoqda. "Andijon" ham so'nggi daqiqagacha kurashdi...
- Nafaqat "Andijon", balki barcha jamoalar bizga qarshi bor kuchi bilan o'ynamoqda.
- Oldinlari Jaloliddin Masharipov bilan juda yaxshi kelishib o'ynar edingiz. Biroq hozirda oldingi chiziq vakillari bilan biroz tushunmovchilik kuzatilayotgandek...
- Jalol bilan 3 yil birga to'p tepdik. To'pni qabul qilib olganimizda qaerga ochilishni, qaysi joyga to'pni oshirishni muammosiz bilar edik. Hozirda esa uning yo'qligi sezilmoqda.
- SHu narsa terma jamoamizda ham etishmadi. Vadim Abramovning sizni olib ketmagani hali ham etirozlarga sabab bo'lmoqda...
- Turkmaniston bilan o'yindan so'ng Vadim Karlenovich qolishimni aytgandi. Kimni olib ketish yoki qoldirishni bosh murabbiy hal qiladi. SHunga qarab u natijaga javob beradi.
- SHota Arveladzening O'zbekiston terma jamoasiga murabbiy bo'lishiga qanday qaraysiz?
- SHota Yustinovich har tomonlama yaxshi inson va murabbiy. Hurmatga loyiq inson, deb bilaman. Futbolimizga shunday murabbiylar kerak.
Abdulaziz Iskandarov suhbatlashdi
Bosh sahifaga
106
