- O'yin haqida
- Darhaqiqat, bugun tomoshabop, yaxshi o'yin bo'ldi. Lekin omad bizdan yuz o'giryapti. 1 ta gol ursak, 2 ta o'tkazyapmiz, 2 ta gol ursak, 3 ta o'tkazib yuboryapmiz. Astoydil ishlashda davom etishimiz kerak. AGMKni g'alaba bilan tabriklayman!
- Jamoa yomon taassurot qoldirmadi. Ayniqsa, etakchi o'rinlarda borayotgan jamoalarga qarshi yaxshi o'yin ko'rsatmoqda. "Andijon" elitada qolishga qodirmi? Transfer rejalar qanaqa?
- Xudo xohlasa maqsadimiz – jamoani Superligada olib qolish. Hamma jamoa elitada qolishga urinadi, biz ham bu yo'lda ikki baravar ko'p harakat qilamiz. Transfer oynasi ochilgach albatta, ishga kirishamiz, bir nechta futbolchilar bilan muzokara kechmoqda. O'yinchi olishimiz shart.
- "Andijon"da futbolchilar oldida qarzdorlik borligini eshityapmiz. Bu nima bilan bog'liq? Rahbariyat bu muammolarni bartaraf qilmayaptimi?
- Oldingi rahbariyat bilan bog'liq holatni bilmayman. Lekin hozirgi rahbariyatga keladigan bo'lsak, hech qanday qarzdorlik yo'q, faqat bir oylik malasi bor. Andijonga qaytganimizda bu hal bo'ladi.
- Abdumannopovga jiddiy qiziqishlar borligi haqida xabarlar bor. Uni jamoada saqlab qolasizlarmi?
- Qiyin savol bo'ldi. Men sobiq futbolchi yoki amaldagi murabbiy sifatida fikrimni bildirsam, u yaxshi jamoada o'ynashini xohlayman. Bu futbolchini o'sishiga xizmat qilsa, uni qo'yib yuboramiz, albatta. Hozircha u jamoada qolgani va o'z ustida ishlashda davom etgani maqul.
- O'yin jihatidan kuchsizroq, Superligadan tushib ketishga moyil bo'lgan jamoani ayta olasizmi?
- To'g'risini aytsam, bu savolga javob bera olmayman, chunki o'shalarni orasida biz ham bormiz.
Bosh sahifaga
308