"Nafaqat birinchi balki asosiy jamoamiz uchun ham "Kavasaki Frontale"ga qarshi o'ynash oson bo'lmasdi. Tarkibda bor yigitlar bilan ertaga yaxshi o'yin ko'rsatishga, futbol o'ynashga harakat qilamiz. Ushbu turnirdagi ishtirok yosh futbolchilarimiz uchun tajriba va mahoratini oshirishga xizmat qiladi. Bunday imkoniyat taqdim etilganidan mamnunmiz",- deydi Zoran Yankovich.
- Yosh futbolchilarni kuchli raqiblarga qarshi tayyorlash qanday bo'lyapti?
- Bunday uchrashuvlarga ularni hozirlash har qanday murabbiy uchun qiyinchilik tug'dirishi tabiiy. Biz bu borada harakat qilamiz. Yana bir jihatni aytib o'tishim kerakki, raqib kuchli jamoa. Biroq biz birinchi bahsda nimalarga qodirligimizni ko'rsatdik. Ikkinchi o'yinda yanada yaxshiroq o'yin ko'rsatishni maqsad qilganmiz. Yosh futbolchilar diqqatni jamlashi osonmas. Ularni hali boladek, desam ham bo'ladi. Ularni ruhan tayyorlashga urg'u qaratmoqdamiz.
- Savol futbolchiga. Jamoada yoshlar ko'p, lekin ular orasida sizga o'xshagan tajribali ijrochilar ham yo'q emas. Ertaga masuliyat sizning zimmangizga tushishi mumkin. Bunga tayyormisiz?
- Elkamda katta masuliyat borligini his qilib turibman. Yosh yigitlarga qo'ldan kelgancha yordam berishga harakat qilaman. Murabbiyning ko'rsatmalarini eslatib boraman.
- "Kavasaki Frontale" kuchli raqib. Ayniqsa top darajadagi futbolchilarga ega. Ularga qarshi qanday qurol bilan maydonga chiqmoqchisiz?
- Musobaqadan oldin bu jamoa hech bo'lmaganda gol ura olarmikin, degan fikrlar yangragandi. Dastabki uchrashuvda qo'limizdan nimalar kelishini ko'rsatdik. Raqib darvozasini ishg'ol qilishga ham erishdik. Bundan ham ko'proq narsaga qodirligimizni namoyish qilmoqchimiz.
- Ilk bahsda bir ochko qo'lga kiritildi. Jamoa navbatdagi o'yinlarni balki to'liq o'z foydasiga hal qilishi mumkinmi? SHuningdek birinchi turda jamoa so'nggi daqiqalarda tempini tushirib yubordi. Buni qanday bartaraf etmoqchisiz?
- To'g'ri bir ochko qo'lga kiritdik. Endi yuqorida aytganimdek navbatdagi darajaga chiqishimiz kerak bo'ladi. Bu safar o'tgan o'yindagi kabi hamma narsani uddalay olsak maqsadimizga etgan bo'lamiz. Balki o'yinni oxiriga borib futbolchilarni bo'shashgani ularning yoshligi bilan bog'lash mumkin. Jismoniy tomondan to'liq tayyormiz. Qolgan jihatlarni sekin-asta ishlab boramiz.
Bosh sahifaga
168
