Unda "Yunayted Siti" bosh murabbiyi Jeyson Uit va futbolchi Bienvenido Maranon qatnashdi.
"Dastlabki o'yinni unutgan holda bor etiborimizni ertangi uchrashuvga qaratganmiz. Faqat ijobiy natijaga umid qilmoqdamiz. O'yin oson o'tmasligi aniq. Raqib kuchli jamoa, ular mag'lubiyatga uchragan bo'lsada o'zlaridan yaxshi taassurot qoldirdi. Biz ko'tarinki ruhda tayyorgarlik ko'rdik",- deydi Jeyson Uit.
"Jamoamga foyda keltirishni maqsad qilganman. OFK kubogi bilan OCHL o'rtasida farq katta. OCHL nufuzli musobaqa. O'zimizning eng yaxshi o'yinimizni ko'rsatmoqchimiz",- deydi Bienvenido Maranon.
- Tayyorgarlik bitta o'yinga qaratilganmi yoki keyingi bahslarni ham o'ylayapsizmi?
- Nafaqat ertangi bellashuv balki barcha o'yinlarga katta ishtiyoq bilan munosabatda bo'lamiz. Musobaqaga o'zimizning xalqaro tajribamizni oshirib, imkoniyatlarimizni ko'rsatgani kelganmiz. Turnirdagi barcha o'yinlar foydali bo'lishi shubhasiz. Oldinda o'yinlar ko'p, g'alabalar qozona olamiz. Bunda musobaqalarla qiyinchiliklar yuzaga kelishi tabiiy. Futbolchilarni har tomonlama tayyorlash qiyin. Har qanday murabbiy uchun bu yangi chaqiruv hisoblanadi. Masalan futbolchi jarohat olsa uni qisqa vaqtda keyingi bahsga tayyorlashimizga to'g'ri keladi. Biz hamma narsaga ijobiy qarayapmiz. Bizda ortiqcha bosim yo'q. O'ylaymanki, o'zimizni har tomonlama ko'rsata olamiz.
- Pandemiya, musobaqani markazlashgan tarzda o'tishi, Avstraliya klublarining kelmagani va Xitoy jamoasining yoshlar tarkibi bilan ishtirok etayotgani OCHLga bo'lgan qiziqishni pasayganidan darak beradimi?
- Pandemiya butun dunyoga o'zining tasirini o'tkazib kelmoqda. Biz uchun eng muhimi nufuzli turnirga tashrif buyurganimiz. Bundan mamnunmiz. OCHLda o'ynash katta sharaf. Xavfsizlik va futbolchilarning sog'lig'i birinchi o'rinda turadi. SHu sababli ko'p jihatlarni inobatga olish kerak. Markazlashgan tarzda o'tkazishdan boshqa choramiz yo'q. Hozirgi paytda bu eng to'g'risi. Avstraliya jamoalariga keladigan bo'lsak, u erda karantin qoidalariga jiddiy qaraladi. Ularning mazkur qarorga kelishiga vaziyat taqozo qildi.
- OCHLning formatiga qanday munosabat bildirasiz?
- Bu borada fikrimni bildirsam, afsuski musobaqaga uzoq vaqt tayyorgarlik ko'ra olmadik. SHunday bo'lsada OCHL bizga katta tajriba bo'ladi, deya olaman. Ko'p narsa olib yangiliklar bilan qaytishimizni istayman.
Bosh sahifaga
166
