Ushbu sana dunyo bo'ylab sport sohasida faoliyat olib borayotgan jurnalistlar o'rtasida keng nishonlanadi. SHu munosabat bilan bugun ommaviy axborot vositalari vakillari O'zbekiston futbol associaciyasiga taklif etildi.
O'FA rahbariyati jurnalistlarni bayram bilan tabriklab, tezkorlik va xolislik bilan faoliyat olib borishlarida omad va zafarlar tiladi. O'z navbatida O'FA birinchi vice-prezidenti Ravshan Ermatov so'zga chiqib, jurnalistlar futbolni keng yoritib borish, tahlil qilish, kerak joyda esa tanqid qilish, kamchiliklarga ko'zgu tutish orqali shubhasiz, futbol rivojiga ulkan hissa qo'shib kelayotganligini alohida takidladi.
"Tezkorlik, holislik, tahlil, to'g'riso'zlik, jonkuyarlik borasida aynan sport jurnalistlari sohada etakchilar hisoblanishadi. Kasbingiz qanchalik mashaqqatli va sinovlarga boy ekanligini yaxshi bilamiz, buni qadrlaymiz. Eng avvalo, sizga mustahkam sog'liq tilaymiz, ijodiy faoliyatingizda ilhom, kuch-quvvat va shijoat tark etmasin, futbolimiz rivoji yo'lida doimo elkama-elka faoliyat olib borish nasib etsin", – dedi Ravshan Ermatov.
Yig'ilish yakunida O'FA tashkil etgan tadbirlarni va terma jamoalar faoliyatini muntazam yoritib borishda yaqindan hamkorlik qilganligi hamda Respublikamizda futbol ommaviyligini oshirish va sog'lom turmush tarzini aholi orasida keng targ'ib etganligi uchun jurnalistlarga minnatdorchilik sifatida maxsus sovg'alar taqdim etildi.
Bosh sahifaga
347
26 Yanvar 2026, 11:17