Hamidjon Aktamov: "2-3 nafar futbolchi bilan kelishib qo'yganmiz"

- Muxlislarimizni, viloyatimiz axlini g'alaba bilan tabriklayman. Bugun juda og'ir o'yin kutgandim. "Mashal" biz uchun noqulay raqib. Bugun ham jamoa oxirigacha kurashdi. Raqib jarima maydonchasi ichiga kirib borish qiyin bo'ldi. O'yindan oldin standart vaziyatlar borasida ko'p ishlagandik. Mana bugun samarasi ko'rindi. "Mashal"ga navbatdagi o'yinlarda omad tilayman.

- Mate Vatcadzening o'yinlaridan ko'nglingiz to'lmayotgandi. So'nggi paytlarda esa u yaxshi o'yin ko'rsatmoqda. Yozda jamoaga boshqa hujumchi olib kelish niyati bormi?
- Transferlar oynasida olib kelinadigan futbolchilar bor. 2-3 nafar futbolchilar bilan kelishib qo'yganmiz. Vatcadze borasida aytadigan bo'lsam, har bir futbolchida ko'tarilish va pasayish davri bo'ladi. U pasayish davrini o'tkazib oldi. Menimcha u jamoada qoladi.

- Davralar oralig'ida jamoa xorijda yig'in o'tkazadimi?
- Yo'q, tayyorgarlikni Navoiyda davom ettiramiz.