"Bu o'yinga tayyorgarlik ko'rish jarayonida futbolchilarga erkin o'ynashlarini, bosimsiz harakat qilishlarini, shu bilan birga sekin o'ynasak, bizga qiyin bo'lishini uqtirgandik. Saviyadagi farq sezilarli darajada edi. Ayrim futbolchilarimiz bugun debyut qilishdi. Umuman olganda, maydonga tushgan o'yinchilarimizning harakatidan qoniqish hosil qildim. Xatolar bo'ldi, lekin kurashuvchanlik tomondan jamoa o'zini yaxshi tomonlama ko'rsatdi deb o'ylayman.
SHokir Yo'ldoshevda charchoq alomatlari sezilgani uchun almashtirdim, u himoyaga yordamga qaytishda ham qiyinchilikka uchradi va bir nechta xatolarga ham yo'l qo'ydi.
Endilikda jamoamiz tatilga yo'l oladi. Qachon yig'ilishimiz, oldimizga qo'yiladigan maqsad hali malum emas
Jamoada qolamanmi? SHartnomam yil so'ngigacha mo'ljallangan, tatildan qaytganimizdan keyin uyog'i hal bo'ladi. Menga Superliga klubidan ham taklif bor, qaysi jamoa ekanligini esa hozircha aytolmayman", - deydi Aliqulov.
Bosh sahifaga
148
