O'yin haqida
- AGMK jamoasini g'alaba bilan tabriklayman. O'yin haqida aytadigan bo'lsam, bugun raqibga munosib qarshilik ko'rsatdik. Yigitlar bu o'yinga yaxshi tayyorgarlik ko'rishgandi. Tarkibimizda bir oz muammolar bor edi. Slavko Lukich, Farhod Bekmurodov va SHohnazar Norbekovlar bir oz betob edilar. SHu sabab ularni asosiy tarkibda tushira olmadik. Lekin bu xolat o'yin natijasiga unchalik ham tasir ko'rsatdi deb o'ylamayman. Futbolchilar o'yinda qatnasha olmagan do'stlari uchun ham harakat qilishdi. Bizni qo'llab-quvvatlash uchun kelgan muxlislarimiz uchun ham oxirigacha kurashdik. Afsus alamli mag'lubiyatga uchradik.
- Ketma-ket jamoangiz ishtirokidagi 3-o'yinda VAR tizimi ishlamoqda...
- Ochig'i VAR tizimini o'zbek futbolidan olib tashlash kerak. Nega deganda bitta turda 7 ta o'yin bo'lsa, faqat 2 ta uchrashuvda ishlaydi. Bosqichma-bosqich o'tiladi deyildi, lekin bizning hakamlarimiz saviyasi VAR tizimi darajasiga etmaydi. Bu bahona emas, birinchidan bu tizim o'yin tezligini pasaytirib qo'ymoqda. Ikkinchidan, mana Evropada o'yindan tashqari xolatda ham o'ynashga berilayapti. Birga-bir vaziyatda hakamlar qarorlari himoya qilinayapti. Jahon chempionatida qatnashganman deb aytdi, lekin ishonchim komil deb bayroqchani ko'taryapti. Aynan bugungi o'yindagi hakamlar saviyasi past va VAR dan foydalana olmasligini ko'rsatib berdi. Biz murabbiylar o'z ustimizda ishlab o'sishimiz kerak. Lekin hakamlar ham o'z ustilarida ishlashlari kerak. Balki VAR tizimi uchun chet eldan hakam chaqirib, konferenciyalar tashkil etish kerakmikan? CHunki hakamlar bu tizimda ishlash, o'yinni qanday to'xtatish haqida bilishmayapti. AGMK futbolchilariga jangovor o'yin uchun minnatdorchilik bildirgan bo'lardim. Ayrim o'yinlar bo'ladi, jamoangiz yutqazsa ham shogirdlaringiz ko'rsatgan o'yindan faxrlanasiz. Bugun shunaqa o'yin bo'ldi. 10 kishi bo'lib ham oxirigacha kurashdik.
- Qizil kartochka haqida fikringiz qanday?
- Qizil kartochka haqida aytsam, men balet tarafdori emasman. Aksincha jangovor futbolni qo'llab-quvvatlayman. Futbolchi to'pga tashlandi, balki Jokich to'pga birinchi ulgurgandir. Takroriy vaziyatni ko'rmasdan vaziyat haqida aytish qiyin. Kimnidir ayblash niyatim yo'q. Sariq kartochka berilsa kerak deb o'ylagandim.
- Transfer oynasi vaqtida jamoangiz tarkibi kuchaytiriladimi?
- Afsus, tarkibimiz unchalik ham kuchaytiradi deb aytmagan bo'lardim. SHu tarkibda bor futbolchilarni saqlab qolsak, ularga ishonch bildiramiz. Raqobat kerak, lekin ochig'ini aytaman selekciya jarayonidan biz aktiv bo'lmaymiz.
Bosh sahifaga
172
