Saytimiz muxbirlari esa murabbiyning fikrlari bilan qiziqdi.
"Malumki, "Nasaf" juda kuchli jamoa hisoblanadi. Bugun ular kuchli ekanliklarini ko'rsatishdi. Qiyin o'yin bo'lishi kutilgandi. Qiziqarli uchrashuv bo'ldi, ikki jamoa darvozasi oldida ham vaziyatlar ko'p yaratildi. Hamma nimalar bo'lganini ko'rdi. SHu bois nimanidir izohlash qiyin. Faqat menga bir vaziyat qiziq, hurmatli hakamlar nima uchun golni bekor qildi? Biz uchun qiziq. "So'g'diyona" jamoasida 22 nafar futbolchi bor. Ular ochko olish uchun borlarini berishmoqda, yonib kuyishmoqda. Oilasini boqish uchun ishlamoqda. Lekin nima sababdan golni bekor qilishdi, tushunmadik. Boshqa narsa demayman. "Nasaf"ni g'alaba bilan tabriklayman. CHempionat davom etadi. Endi tanaffusga yo'l olamiz",- deydi Baqoev.
- Murabbiy sifatida o'z o'rningizni topdingiz. Sizni futbolchi sifatida ham, murabbiy sifatida ham qandayligizni hamma biladi. Bugun ko'p hissiyotga berilganingiz hakamlarni xatosi bilan bog'liqmi yoki boshqa sababi ham bormi?
- O'yin qiziqarli va vaziyatlarga boy tarzda o'tdi. Bizni stadionda, ekran ortida ko'plab muxlislar tomosha qildi. Fikrimcha bahs tengkurashlar ostida o'tdi. Futbolda xato qilmaslikning iloji yo'q. O'yin paytida hissiyotlaringizni jilovlash qiyin bo'ladi. Yigitlarga xohish va ishtiyoq uchun rahmat aytaman. Umuman menda hech kimga etirozim yo'q.
- Transferlar oynasi vaqtida "So'g'diyona" tarkibni kuchaytirishni rejalashtirganmi?
- Ko'ramiz. Hozir yigitlarga dam beramiz. Keyin bu borada o'ylab ko'ramiz. Bir nechta variantlar yo'q, deya olmayman.
Bosh sahifaga
98
