SHu tariqa birinchi davrani mag'lubiyat bilan yakunlagan "temiryo'lchilar" tanaffusga yo'l olishdi. Mavsum boshida tarkibga bir qator mahoratli futbolchilarni va portugaliyalik murabbiyni jalb qilgan "Lokomotiv"ning qayd etayotgan natijalarini qoniqarli, deb bo'lmaydi. Jamoa 12-turdan so'ng turnir jadvalida 15 ochko to'plagan holda to'qqizinchi o'rinda bormoqda. CHempionlik uchun kurashishi kutilgan klubning bunday natijalari ko'pchilikni ajablantirayotgani tabiiy. Mikael Sekeyra tajribali futbolchilar xizmatidan foydalanish bilan bir qatorda, yoshlarga ham ishonch bildirmoqda. Ulardan biri Jaloliddin Jumaboevdir. O'tgan mavsum bosh jamoada o'zini ko'satishni boshlagan futbolchi bu yil ham asosiy tarkibga kirish uchun raqobtlashmoqda. "Paxtakor" bilan o'yindan so'ng Jumaboev shu va boshqa mavzular hususida fikrlari bilan o'rtoqlashdi.
"Paxtakor" bilan kechgan derbi haqida
- Ikki jamoa ham g'alaba uchun harakat qilgani yaqqol ko'rindi. Fikrimcha yaxshi o'yin o'tkazdik. Lekin yakuniy natija bunday bo'lmadi. O'z xatolarimiz evaziga darvozamizdan ikkita to'p olib chiqdik. Birinchi bo'limda yomon o'ynamadik. So'nggi soniyalarda etiborsizlik oqibatida raqib bizga gol urdi.
"Lokomotiv" "Paxtakor"dan qo'rqib o'ynadimi?
- Garchi beshta himoyachi bilan maydonga tushgan bo'lsakda, bu raqibdan qo'rqqanimizni anglatmaydi. Qanotlardagi ikkita himoyachimiz yarim himoyachi vazifasini ham bajarishdi va hujumlarga tez-tez qo'shilishdi. Maydonda hamma bor kuchi bilan harakat qildi.
Birinchi davradagi muvaffaqiyatsizlik va yangi murabbiyning uslubiga moslashish
- Birinchi davrani bunday natija bilan yakunlaganimizdan xursand emasman. Biz bundan ham yaxshiroq ko'rsatkich qayd eta olamiz. Qaysidir manoda portugaliyalik murabbiy Mikael Sekeyraning uslubiga va falsafasiga moslashish jarayonini o'tkazdik, deya olaman. Yangi murabbiy, yangi futbolchilarning bir-birini tushunib olishi uchun vaqt kerak bo'ldi. O'ylaymanki, ikkinchi davrada ijobiy natijalar bilan muxlislarni xursand qila olamiz.
Mikael Sekeyra qanday yangilik bera oldi?
- Murabbiy o'zining evropacha qarashlarini olib kirmoqda. Agarda biz shuni maksimal darajada o'zlashtirsak hammasi yaxshi bo'ladi. Har bir murabbiyning o'z uslubi bor. Mikael Sekeyrada ham shunday.
Kuchli futbolchilar bilan raqobatgan tayyormi?
- Jamoaga yangi futbolchilar kelishi haqida eshitganim yo'q.Raqobatga hamisha tayyorman. Sog'lom raqobat bor joyda o'sish va rivojlanish bo'ladi. Tajribali futbolchilardan o'zim uchun foydali tomonlarini o'zlashtirishga harakat qilaman. Ko'proq o'rganishga intilmoqdaman.
Abdulaziz Iskandarov suhbatlashdi
Bosh sahifaga
99
