"SHu maqsadda ayni kunlarda "Barselona" akademiyasida 11 yildan beri murabbiylik qilib kelayotgan va o'ziga xos futbol metodologiyasini ishlab chiqqan David Sanches poytaxtimizda bo'lib turibdi.
"JFL-Tashkent Football School" futbol maktabi bilan yaxshi aloqalarga ega bo'lgan ispaniyalik mutaxassis akademiya murabbiylariga mahorat darslarini o'tib bermoqda. Hamkorlik doirasida JFL - futbol maktabi tarbiyalanuvchilarining Ispaniyada tashkil etiladigan futbol akademiyalari o'rtasidagi nufuzli musobaqada ishtirok etishi rejalashtirilgan. Ispaniyada tashkil etiladigan yig'inlarda "Barselona" yoshlar jamoalari bilan nazorat o'yinlari o'tkazish ham reja qilinmoqda.
Bugun tajribali mutaxassis O'FA Majlislar zalida respublikamizning turli hududlaridan kelgan futbol maktablari murabbiylariga seminar mashg'ulotlarini o'tib berdi. O'quv-mashg'uloti murabbiylar bilan ochiq savol-javob shaklida o'tkazildi.
David Sanches yosh futbol murabbiylariga o'zining foydali tavsiyalarini berib o'tdi va ularga o'zi ishlab chiqqan futbol metodologiyasini prezentaciya shaklida namoyish etdi.
Tadbir yakunida O'FA birinchi vice-prezidenti Ravshan Ermatov ispaniyalik mutaxassisga minnatdorchilik bildirib, muntazam hamkorlikka va amaliy mashg'ulotlar o'tkazishga taklif etdi", – deb yozadi O'FA matbuot xizmati.
Bosh sahifaga
72
