Unda Osiyo qitasidan qatnashadigan terma jamoalar orasida Tailand ham bor. Ushbu jamoani o'zbek futzaliga yaxshi tanish bo'lgan ispaniyalik mutaxassis Xose Mariya Pazos Mendez boshqarib kelayotgandi. Mendez boshchiligida tailandliklar 20 va 25 may kunlari mundial yo'llanmasi uchun Osiyo qitasi pley-off o'yinlarida Iroq terma jamoasini ikkita bellashuvda ham yirik hisob (7:2 va 4:0)da taslim qilgan hamda Litvaga boradigan bo'lgandi.
Kecha Pazos Mendez Tailand terma jamoasi boshqaruvini tark etdi. Tailand va murabbiy o'rtasidagi shartnoma bekor qilingan.
Xose Mariyaning shaxsan o'zi "Championat.asia" saytiga Portugaliyaning "Benfika" klubiga ketayotganini malum qildi. Endi u futzalga Rikardinodek top o'yinchini etkazib bergan mamlakatning eng kuchli ikkita klubidan birini boshqaradi.
"Benfika" ortda qolgan mavsum Portugaliya chempionati finalidagi seriyada "Sporting"ga 3:1 hisobida (bunda final tomonlardan biri ("Sporting")ning uchta g'alabasiga qadar davom etgan) imkoniyatni boy berib qo'ydi. SHundan so'ng, klub 18 iyun sanasida jamoani 7 yil davomida boshqarib kelgan Joel Rosha bilan xayrlashilganini elon qilgan edi. Mana endi "burgutlar"ni Pazos Mendez boshqaradi.
"Benfika" tarkibida Osiyo qitasidan ham o'yinchilar bor. Bular: eronlik to'purar Hussayn Toyibi va yaponiyalik Rafael Xenmi.
Malumot uchun, Mendez Tailand terma jamoasi boshqaruvida qolganida Litvadagi mundialda "C" guruhida Portugaliya, Marokash va Solomon orollari terma jamoalari bilan bellashgan bo'lardi.
Bosh sahifaga
112
