Kecha Toshkent shahri mezbonlik qilgan Osiyo chempionlar ligasi «H» va «I» guruhi uchrashuvlari o'z yakuniga etdi.
«Bunyodkor» va «Lokomotiv» stadionlarida o'tkazilgan bellashuvlarda SHarq mintaqasidan tashrif buyurgan 8 jamoa o'zaro bahs olib bordi.
OFK Bosh kotibi Dato' Vindsor Jon O'zbekiston futbol associaciyasiga rasmiy xat yo'llab, mazkur OCHL uchrashuvlar yuqori saviyada tashkil etilganligi uchun OFK nomidan minnatdorchilik bildirdi.
«O'zbekiston futbol associaciyasini Osiyo chempionlar ligasi bahslarini muvaffaqiyatli tashkil etganligi bilan samimiy muborakbod etamiz.
SHubhasiz, ushbu muvaffaqiyat zamirida O'FAning pandemiya sharoitiga qaramay, yuqori darajadagi tashkilotchilikni taminlashdagi fidoyiligi, tirishqoqligi va tinimsiz harakatlari turibdi.
OFK delegaciyasi va ishtirok etuvchi klublarga ko'rsatgan ajoyib mehmondo'stlik hamda musobaqa davomida barchaning sog'lig'i va xavfsizligini taminlash va himoya qilish uchun qilingan barcha tadbirlar uchun O'zbekiston futbol associaciyasiga minnatdorchilik bildiramiz.
Barchangizga tashakkur!
Osiyo futbol konfederaciyasi kelgusida O'zbekiston futbol associaciyasi bilan o'zaro hamkorlikni davom ettirishdan mamnun», - deyiladi OFK bosh kotibining rasmiy xatida.
O'z navbatida, O'zbekiston futbol associaciyasi Osiyo chempionlar ligasi bahslari va boshqa qita musobaqalari mezbonligini O'zbekistonga ishonib topshirganligi uchun Osiyo futbol konfederaciyaga minnatdorchilik izhor etib, hamkorlik aloqalarini yanada mustahkamlashga tayyor ekanligini bildiradi.
Malumot o'rnida, O'zbekiston 2022 yilgi U23 Osiyo kubogi, 2023 yilgi U20 Osiyo kubogi hamda ayollar o'rtasidagi U20 Osiyo kubogi-2024 bellashuvlariga mezbonlik qiladi. SHuningdek, ayollar futboli bo'yicha 2022 yilgi qita birinchiligi uchun o'tkaziladigan Saralash bosqichi bahslari ham aynan yurtimiz maydonlarida bo'lib o'tadi.
Bosh sahifaga
122
