Evro-2020 — bu nafaqat sovringa ega bo'lish, balki milliy associaciya uchun yaxshigina pul ishlab olish ham deganidir. UEFA turnirga chiqqan barcha jamoaga pul to'laydi. Pul mukofoti miqdori jamoaning muvaffaqiyatiga bog'liq.
Pul mukofoti qanday hisoblanadi?
Mukofot fondining umumiy summasi 331 mln evroni tashkil qildi. Koronavirus va uchrashuvlarni tashkil qilish bo'yicha xarajatlar ko'paygani tufayli kutilgan summa 11%ga tushib ketdi. Bu 2016 yilga nisbatan 30 mln ko'p degani.
Har bir uchrashuv uchun mukofot puli:
G'alaba — 1,5 mln evro
Durang — 750 ming evro
Turnirdagi yutuqlari uchun mukofot:
Turnirda ishtirok etgani uchun — 9,25 mln evro
1/8 final — 2 mln evro
1/4 final — 3,25 mln evro
1/2 final — 5 mln evro
Finaldagi mag'lubiyat uchun — 7 mln evro
Finaldagi g'alaba uchun — 10 mln evro
Birovning cho'ntagini kavlash, pulini hisoblash yomon odat, bilamiz. Ammo keling buni hozir biroz unutib, turnirda kim qancha ishlab olganini ko'rib chiqamiz.
Evro-2020 jamoalari uchun mukofot pullari
Pullarni nimalarga sarflashdi? Daniyaliklar uni xayriya qildi
Biz federaciyalar Evrodagi ishtiroki uchun qancha pulga ega bo'lganini bilamiz. Bazilari pulning bir qismini futbolchilarga bo'lib berdi: kimdir pulning bir qismini shunchaki vada qilgan bo'lsa, kimdir aniq qandaydir vazifani bajargan taqdirdagina mukofot berishini aytgan ekan.
Italiya — mukofot pulining 20-22%i (taxminan 7 mln evro — yoki har bir kishiga 250 mingdan). Terma futbolchilari irim tufayli finalga chiqish va g'alaba uchun aniq summalarni yozdirishmagan.
Ispaniya va Germaniya — har bir g'alaba uchun o'yinchilarga 400 ming evrodan vada qilishgan.
Angliya — futbolchilar 11 mln evro bonusga ega bo'lishdi. Xenderson va Maguayr pulni Buyuk Britaniyaning Milliy sog'liqni saqlash xizmati (NHS)ga berishni allaqachon kelishib olishdi.
Daniya — hamma uchun 6 mln evro. SHunga qaramay, daniyaliklar pulning bir qismini xayriya loyihalari hisobiga o'tkazdilar: mamlakatda ommaviy sportni rivojlantirish uchun 5 mln kron (taxminan 672 ming evro) va muxlislar loyihalari uchun 1 mln kron (taxminan 134 ming evro). Ammo bu raqamlar chorak finaldan oldin edi. Undan keyin jamoa yana 8 mln evroga ega bo'ldi.
Portugaliya — Evroga chiqqani uchun mukofot pulining yarmini havaskor futbolga berdi (4,7 mln).
Rossiya va Polsha — 0. Rossiya futbol ittifoqi faqatgina guruhdan chiqqani uchun mukofot puli berishni vada qilgan edi. Lekin futbolchilar buning uddasidan chiqolmadilar va puldan quruq qoldilar.
Ukraina — Ukraina futbol associaciyasi rahbari raqamlarni elon qilmadi, biroq mukofot puli maksimal darajada bo'lishini aytgandi. Andrey Yarmolenko pulning hammasini bemor bolakaylarni davolash uchun beradi. Aleksandr Zinchenko mukofot pullarini hammasini germaniyalik plastik xirurg Klaus Eksnerning Lvovga kelish xarajatlarini to'lab beradi. Mutaxassis bir hafta davomida tug'ma va kuyishdan jarohat olgan bolalarni operaciya qiladi.
Slovakiya — mablag'ning uchdan bir qismini (3,6 mln evro) futbolchilarga, yana shunchasini bolalar futbolini rivojlantirishga yo'naltirildi.
SHimoliy Makedoniya — bonusning aniq summasi malum bo'lmasa-da, bu allaqachon mojaro kelib chiqishiga sabab bo'lmoqda. Goran Pandev jamoa Evroga chiqqani uchun berilgan pulning bir qismini federaciya rahbariyati o'zida olib qoganini aytib, shikoyat qildi: "Rahbariyatning aytishicha, ular saralash bosqichida va turnirga chiqishda qatnashishgan emish. Aytingchi, bunga qanday ishonish mumkin? Bu pullar bolalar maydonchalari qurish, jihozlar sotib olish, yoshlar sektorini rivojlantirish va bolalar futbol o'ynashini taminlash uchun sarflanishi kerak edi..."
Nozima Zaripova tarjimasi
Bosh sahifaga
239
13 Fevral 2026, 13:00