Har to'rt yillikning nufuzli musobaqasiga munosib tayyorgarlik ko'rish maqsadida futzal terma jamoamiz 25-30 iyul kunlari Tailandda tashkil etiladigan xalqaro futzal turnirida ishtirok etadi.
Bahodir Ahmedov shogirdlari musobaqaning guruh bosqichida Tailand, Kosova va Mozambik vakillari bilan bellashadi.
Ayni paytda Toshkentda o'quv-mashg'ulot yig'inini olib borayotgan terma jamoamiz, 19 iyul kuni Bangkok shahriga yo'l oladi. Biz esa bu borada terma jamoamiz bosh murabbiyi Bahodir Ahmedovning fikrlari bilan qiziqdik.
"Tayyorgarlik jarayoni juda yaxshi ketmoqda. O'zbekiston futbol associaciyasi tomonidan barcha sharoitlar yaratilgan. Hozirda murabbiylar shtabida, avvalgi Jahon chempionatida ko'maklashgan ikki nafar ispaniyalik murabbiy ish boshladi. Biri darvozabonlar bilan, ikkinchisi esa jismoniy tayyorgarlik bo'yicha. Yigitlar ga buning katta foydasi bor, deb o'ylayman.
Jahon chempionatidan oldin Tailandda xalqaro turnirda ishtirok etamiz. Musobaqaga tayyorgarlik ko'ryapmiz. Qancha kuchli jamoalar bilan o'ynasak o'zimizga yaxshi. Zaif tomonlarimizni ko'rib olish imkoni bo'ladi. Xato va kamchiliklar ustida ishlaymiz",- deydi Bahodir Ahmedov.
Bosh sahifaga
95
