U "Samisov bilan" loyihasiga bergan intervyusida O'zbekiston yoshlar terma jamoasi 2015 yilgi Jahon chempionatidan keyin boshqa chiqa olmagani, bunga nima sabab bo'lgani to'g'risidagi savolga shaxsiy fikrini bildirib o'tdi.
"Menimcha, bizdan keyingi avlod futbolchilar asosiy tarkibga endigina kirgan yoki bo'lmasam asosiy tarkibda endigina o'ynashni boshlagan futbolchilar hisoblanadi. Mening eshitishim bo'yicha ko'pchiliklari alohida jamoa bo'lib oladi. Masalan, 2-3 nafar futbolchi alohida yuradi, yana 3-4 nafar futbolchi alohida yuradi, futbolchilar kuchli, lekin jamoa sifatida yo'q. Ular birlashmagan. Bizda esa hamma futbolchi birlashgan. Bitta alohida ajrab turadigan o'yinchi bo'lmagan", — deydi Akrom Komilov.
U misol tariqasida Dilshod Nuraliev qo'l ostidagi O'zbekiston o'smirlar terma jamoasi bilan birga chempion bo'lganida jamoada hech kim alohida kuchli bo'lmaganligi, hamma bir xil bo'lganini takidladi.
"Lekin jamoa birdam bo'lgan. "Sen u jamoada, men bu jamoada o'ynayman", degan gap bo'lmagan. Bizdan keyingi avlod esa birlashmagan. Bizda birlashish bo'lgani uchun ham uzoqqa borib, yaxshi natijalarga erishilgan. Ularda bir-birini to'ldirish yo'q", — deya qo'shimcha qiladi AGMK klubi futbolchisi Akrom Komilov.
Malumot uchun, O'zbekiston U-19 terma jamoasi 2018 yili Osiyo chempionati saralashdan o'ta olmagan. 2017 va 2019 yilgi U-20 Jahon chempionatida esa O'zbekiston terma jamoasi ishtirok etmagan.
To'liq intervyuni ko'rish uchun:
Bosh sahifaga
207
