SHundan kelib chiqib futbol klublari turli xududlarda mavsumning ikkinchi qismiga tayyorgarlik jarayonini olib bormoqdalar. SHuningdek, jamoalar tarkibni kuchaytirish maqsadida transfer jarayonida faollik namoyish etishayapti.
O'z oldiga joriy mavsum Birinchi liga g'olibligini qo'lga kiritish va Pro-liga yo'llanmasiga ega chiqish vazifalarini qo'ygan G'ijduvonning "G'ijduvon" klubi ham mavsumning qolgan qismiga tayyorgarlikni ko'tarinki kayfiyatda davom ettirmoqda. Hozirda jamoa mashg'ulotlari poytaxtimiz Toshkent shahrida tashkil etilayapti va mazkur yig'in davomida o'tkaziladigan nazorat uchrashuvlari orqali bir qator futbolchilar ko'rikdan o'tkaziladi. Xususan bugun Toshkentning "Lokomotiv BFK" jamoasiga qarshi o'rtoqlik maqomidagi o'yin bo'lib o'tadi.
"G'ijduvon"dagi o'zgarishlar haqida aytadigan bo'lsak, jamoaga bosh murabbiy sifatida Bahodir SHaymardonov tayinlandi. SHuningdek, tarkibni kuchaytirish maqsadida Tojikiston chempionati ishtirokchisi "Istaravshan" klubi hujumchisi, asli o'zbekistonlik Abbos Ikromov va Toshkentning "Oq-tepa" klubidan Song Longjilar jamoa safiga qo'shib olindi. Bundan tashqari bir qator futbolchilar jamoa tarkibida ko'rikdan o'tmoqdalar va ularning harakatlari murabbiylar shtabiga maqul kelsa shartnoma imzolanadi.
Bosh sahifaga
277
17 Fevral 2026, 09:54