Italiya futbol federaciyasi ilmiy-texnik qo'mita azosi Franchesko Brakonaro futbolchining yuragidagi defebrilyator bilan Italiyada o'ynay olmasligini aytdi
"Eriksen yuragidagi moslama bilan Italiyada o'ynashga ruxsat ololmaydi. Agarda uning yuragidagi defebrilyator olib tashlansagina, u "Inter"da o'ynashni davom ettirishi mumkin".
Italiyada professional sportchilar uchun qatiy qoidalar mavjud va tekshiruvlarni klublar emas, federaciya amalga oshiradi.
SHunisi etiborga loyiqki, masalan, "Ayaks" himoyachisi Deyli Blind xuddi shunday implantaciya qilinadigan kardioverter defibrilatoriga ega va Niderlandiya terma jamoasi va o'z klubida o'ynashi mumkin, ammo u ham A Seriyada ishtirok eta olmaydi.
Eslatib o'tamiz, Kristian Eriksen Evro-2020 guruh bosqichda Finlyandiyaga qarshi kechgan birinchi tur o'yinida yurak hurujiga uchragan. Futbolchi operaciya qilingan va yuragiga defebrilyator o'rnatilgan. Ushbu moslama yurakning to'xtab qolishini oldini olib, uning tinimsiz urib turishini taminlaydi.
Bosh sahifaga
252
22 Fevral 2026, 14:03