30 iyul kuni Coca-Cola Superliganing 13-tur uchrashuvlari bo'lib o'tadi. PFL yarim oy avval “Mashal”, “Qo'qon-1912” va “Andijon” klublarini stadion masalasida ogohlantirgan. Birinchi navbatda qo'qonliklar stadion masalasini ijobiy hal qilib, “Navbahor”ga qarshi vodiy derbisini Yaypanda o'tkazadigan bo'lishdi. Keyinroq “Andijon” va “Turon” o'rtasidagi yana bir vodiy derbisiga Namangan mezbonlik qiladigan bo'ldi.
Biroq "Mashal" rahbariyati stadion masalasini haligacha hal qila olgan emas. Vaholanki, PFL 13 iyul sanasiga qadar uch klubga muhlat bergan va shundan keyin ham “Mashal” yana bir karra ogohlantirilgan. Endilikda PFL bosh tashkilotga taqdimnoma kiritib, sentyabr oyida ham Muborakdagi stadionda o'yinlar o'tkazish uchun taqiq qo'yishni rejalashtirgan. Bu oyda Muborakka “Andijon” va “So'g'diyona” klublari tashrif buyurishi kerak edi. SHuningdek, o'yin sanasiga qadar ham “Mashal” futbol klubi stadion masalasini hal qilmasa, 13-tur uchun jamoaga texnik mag'lubiyat yozilishi mumkin.
Bosh sahifaga
179
