Bu xabarni yozish men uchun juda og'ir. Avvalo Dortmundning "Borussiya"siga menga qilgan barcha yaxshiliklari uchun minnatdorchilik bildirmoqchiman. Ular kattalar singari tajribasi bo'lmagan 17 yoshli yigitchaga ishonch bildira olishdi. Ushbu afsonaviy klubga bo'lgan muhabbatimni hech narsa bilan o'lchab bo'lmaydi. Stadionga ilk bora kirganimda, o'zimni uyimdagidek his qildim. Keyinchalik "Borussiya"ga o'tish uchun to'g'ri qaror qabul qilganimni angladim. Klub bilan aloqador bo'lganlarning barchasi meni bag'rini ochib kutib olishdi. Germaniyaga ko'chib o'tish nafaqat futbolga, balki yangi turmush tarzi va yangi madaniyatga moslashishni taqozo etardi.
Bazilar Buyuk Britaniyani 17 yoshda tark etish katta tavakkal deb o'ylashdi, chunki men nafaqat chet elda o'ynashim, balki o'z uyim va oilamni tark etishim kerak edi. Men har doim o'z istedodimni dunyo miqyosida namoyish etishni xohlar edim va "Borussiya" menga bunday imkoniyatni yaratdi, buning uchun men ulardan doimo minnatdorman. Barcha xodimlarga, murabbiylarga, umuman klubda ishlaydigan barchaga klubda menga g'amxo'rlik qilganingiz uchun minnatdorchilik bildirmoqchiman. Barchangizni juda sog'inaman.
"Borussiya" futbolchisi bilan bir maydonda o'ynash men uchun sharaf. Iqtidorli futbolchilardan ko'p narsalarni o'rgandim. Yaxshiroq o'yinchi bo'lishimga va futbolni yuqori darajada tushunishiga yordam berganingiz uchun tashakkur.
Siz kichkina bolakayning orzusini amalga oshirdingiz. Meni bugungi darajaga olib chiqdingiz. Bu yoshimda juda tez tajriba orttirdim va tarixiy marralarni zabt etdim. Ushbu klub menga har bir bola orzu qiladigan CHempionlar Ligasida o'ynash imkoniyatini berdi. "Borussiya" menga ham o'z terma jamoam uchun o'ynash imkoniyatini berdi. Men bu klubdan juda katta qarzdorman. Sizga rahmat. Germaniya kubogi finalida g'alaba qozonish "Borussiya"dagi faoliyatim uchun ajoyib yakun bo'ldi.
Dortmund har doim mening bir qismim bo'lib qoladi va men uni har doim sog'inaman, yaxshi ko'raman hamda klubga, jamoaning barcha azolariga va ayniqsa meni qo'llab-quvvatlagan muxlislarga minnatdorchilik bildirib qolaman. Umid qilamanki, ushbu qarorimni to'g'ri qabul qilasiz. Do'stlikning eng chiroyli qismi bu tushunishdir.
"Borussiya"ga katta rahmat!
Bosh sahifaga
150
