Biroq klub 2021 yilgi Osiyo chempionlar ligasida ishtirok etmasligi mumkin. Sababi "Nasaf" belgilangan vaqtda OFKga licenziyadan o'tish uchun kerakli hujjatlarni yubormagan.
Muddat avgust oyi so'nggida tugab bo'lgan. Biroq PFL va O'FA "Nasaf"ga licenziya uchun hujjatlarni yuborish uchun so'nggi imkoniyat berishni hamda pandemiyani sabab qilib ko'rsatgan holda OFKga xat yo'llagan.
Kecha "Nasaf" rahbari Sergey Kucherenko va licenziyalash bo'yicha mutaxassis PFL vakillari bilan mazkur masala yuzasidan uchrashishgan. "Nasaf"dagilar barcha ayb o'zlarida ekanini tan olishgan va so'nggi imkoniyat berilsa hujjatlarni to'g'rilab yuborishga vada berishgan. Nega vaqtida hujjatlar yuborilmagani haqida savolga klub oldiga mavsum boshida yuqori o'rinlarni egallash vazifasi qo'yilmagandi deb javob berishdi. Bu albatta professional klubga umuman yarashmaydigan holat.
Endi "Nasaf" OFKdan javob xati kutmoqda. Biroq OFKga yaqin manbalarning saytimizga tashkilot muddat o'tib ketganidan keyin licenziyalashga ruxsat berishi dargumon ekanini malum qilishdi.
Eslatib o'tamiz, agar O'zbekiston kubogini "Paxtakor" emas boshqa klub qo'lga kiritsa, "Nasaf" har qanday holatda OCHLda qatnashmaydi.
Bosh sahifaga
387