13-turdan o'rin olgan 2 ta bellashuvda Video Assistant Referee tizimi ishlaydi: "Lokomotiv" – "Nasaf" va "Paxtakor" – "Bunyodkor" (har 2 o'yin poytaxtda o'tkaziladi).
Xabaringiz bor, milliy chempionatimizga VAR tizimi tatbiq etilgach, hakamlikdan norozilar bir muncha ko'paydi. Masalan, Baxtiyor Ashurmatov bu tizim barcha uchrashuvlarni qamrab olishi kerakligini takidladi. Bazilar esa Video Assistant Referee tizimi ishlaydigan o'yinlar ro'yxatini shakllantirishda qaysi asoslarga tayanilishini so'rayapti. Bu ko'pchilikni qiziqtirgani tufayli O'FA hakamlik-inspektorlik qo'mitasi raisi Erkin Baxtiyorov bilan bog'lanib savollarimizga javob oldik.
Termiz va Muborakda Video Assistant Referee tizimi ishlashi uchun sharoit yo'q
Muborak va Termizdagi o'yinlarda hanuzgacha VAR ishlamadi. "So'g'diyona", "Lokomotiv" va "Nasaf" singari jamoalar ishtirokidagi bahslarda 6 bor qo'llanganini inobatga olsak, bu "Surxon" va "Mashal"ga nisbatan adolatsizlikdek tuyuladi. Biroq, barchasi tashqaridan ko'ringanidek emas. VAR mazkur klublarning o'yingohlariga tashrif buyurmayotganiga yagona sabab bor: stadionlarda texnikaning ishlashi uchun etarli sharoit yaratilmagan. Masalan, Termizdagi internet bilan bog'liq muammolar translyaciya sifatiga ham salbiy tasir qilishi hech kimga sir emas.
Video Assistant Referee tizimi ishlaydigan o'yinlar ro'yxati qanday shakllantiriladi?
Bu borada oldindan keskin kurash vada qilayotgan bahslar inobatga olinadi. Joriy mavsumda VAR ishlagan o'yinlar ro'yxatiga etibor qilinsa, bu fikr o'z tasdig'ini topadi. Iloji boricha markaziy uchrashuvlar tanlanadi. Masalan, turnir jadvalida so'nggi o'rinni band qilgan "Andijon"ning peshqadam "Paxtakor"ga qarshi o'yiniga VARni jalb qilishdan mano yo'q. Ammo, elitada qolish uchun "burgutlar"ning asosiy raqobatchisi bo'lib turgan "Mashal" bilan o'yin turning markaziy bahslaridan biri bo'ladi va shu tufayli Video Assistant Referee tizimi tayinlanadi.
"So'g'diyona" — AGMK bahsiga nega VAR jalb qilinmadi?
Yuqoridagi mantiq asosida fikrlasak, Ulug'bek Baqoev va Mirjalol Qosimov shogirdlari o'rtasidagi o'yinga ham Video Assistant Referee tizimi tayinlanishi kerak edi. CHunki aynan Jizzaxdagi uchrashuv 13-turning markaziy o'yini hisoblanadi (2-o'rin uchun kurashayotgan jamoalar). O'FA hakamlik-inspektorlik qo'mitasi esa Toshkentdagi 2 o'yinni tanlanadi va o'z mantig'iga qarshi borgandek ko'rindi. Biroq...
Xabaringiz bor, 2-davradan etiboran Video Assistant Referee tizimi iloji boricha ko'proq o'yinlarni qamrab olishi vada qilingan edi. Malum bo'lishicha, bu ishga endi yangi texnikalar ham safarbar qilindi. Ular birinchi navbatda sinovdan o'tkazilishi kerakligini ham unutmaslik kerak. O'FA hakamlik-inspektorlik qo'mitasi yangi texniklarni aynan 13-tur doirasida poytaxtda o'tkaziladigan o'yinlar orqali sinovdan o'tkazib olmoqchi. Test jarayonini Jizzaxdagi markaziy bahsda o'tkazish bir qator ehtimoliy noqulayliklarni yuzaga chiqarishi mumkin.
"Qo'qon-1912" nega hech kimni transfer qilmadi?
2151425121739826 
Bosh sahifaga
251
2 Mart 2026, 13:22