Bevosita Italiyada ham yuqori o'rinlar uchun kurash olib borishi taxmin qilanayotgan jamoalar bosh murabbiylari o'zgardi. Yangi mavsumda o'sha murabbiylar va ular tayyorlagan jamoalar qanday o'yin/natija ko'rsatishi qiziq albatta. Lekin ular orasida eng qiziqlaridan biri Rimning "Lacio"si va Sarri bo'lishi aniq. Mauricioni qiyin yo'l kutib turibdi, mutaxassis eng kamida 3-5-2"ni 4-3-3"ga o'zgartirishi kerak.
Har bir poziciya bo'yicha bugungi holatni ko'rib, tahlil qilib ko'rsak.
▪️ Reyna – asosiy posbon, Strakosha, chamasi, qolmoqda va zaxirada o'tirishga rozi.
▪️ Manuel Ladzari ketishi mumkinligi haqida mish-mishlar "yurgandi" – u fulbek rolida harakat qilishga o'rganib qolgan. Biroq hozirda Ladzari ham, Marushich ham o'ng qanot himoyasida o'ynatilmoqda va chempionat boshlangach, kim asosiy bo'lishi hozircha nomalum.
▪️ Himoya markazida Acherbi bilan elkama-elka Luis Felipe o'ynaydigan ko'rinadi. SHuningdek, bu poziciyaga Radu, Patrik va Vavro nomzodlari bor, lekin ushbu har uchala futbolchi jamoada qolishi ham hozircha aniq emas.
▪️ CHap qanot himoyasida jamoaning yangi futbolchisi – Elseid Xyusay asosiy tarkib azosi bo'ladi. Unga Fares o'rinbosar sifatida qaralayotgan bo'lsa, "CHukarichki"dan kelgan 20 yoshli Dimitriye Kamenovich chap qanot va markazga tushirilishi mumkin.
▪️ Yarim himoyani Sarrining "Napoli"si bilan solishtirish osonroq. Lukas Leyva (Eskalante – zaxira varianti) – bu Jorjino, Milinkovich-Savich (Akpa Akpro) – bu Neapoldagi Allan, Luis Alberto (Kataldi) – Xamshik. Ispaniyalik futbolchi yig'inlarga kech qolganida ko'pchilik uning jamoani tark etishi hal bo'lgan masala degandi, lekin Alberto, vaziyatga chetdan baho beradigan bo'lsak, Sarri tizimining muhim detaliga aylanadi. To'rtta o'rtoqlik o'yinida u 7 ta gol urdi.
▪️ Leyva adresiga ko'plab iliq fikrlar yangramoqda, ammo "Lacio" uning poziciyasiga boshqa variantlarni ko'rib chiqishda davom etmoqda – ulardan biri 23 yoshli "Bordo"ning xorvatiyalik futbolchisi Tom Bashich.
▪️ Hujumning o'ng qanotida– jamoaga qaytgan Felipe Anderson. O'tgan mavsumda braziliyalik futbolchi asosiy tarkibda bor yo'g'i 5 ta o'yinda maydonga tushgan (3 ta "Vest Xem"da va 2 tasi "Portu" tarkibida), biroq Sarri futbolchiga ishonch bildirmoqda hamda Anderson nazorat o'yinlarida pand bermayapti. Alternativ variant sifatida 16 yoshli Luka Romero ko'rilmoqda. U 2020 yil yozida La Liga tarixidagi eng yosh futbolchiga aylangandi. Argentinalik yigit "Malorka" safida o'tgan mavsum bor yo'g'i 6 marta maydonga tushdi, lekin "Lacio" yig'inlaridagi xabarlar va bevosita Lukaning harakatlariga yuqori baho berayotganlar etarlicha topilmoqda. Muhim tomoni Romero hujumning har ikki qanotini "yopa" oladi.
▪️ CHap qanot hujumchisi – savol ochiq qolmoqda. Umuman olganda Xoakin Korrea qachonlardir vinger bo'lganini yodga olishi mumkin edi, biroq argentinalik uzunquloq gaplarga qaraganda, jamoasini alishtirish niyatida. Faqatgina yoshlar va o'tgan mavsum "Osasuna" asosiy tarkibiga kira olmagan Xoni varianti qolyapti. Katta ehtimol bilan mavsum startiga qadar bu poziciyaga yangi futbolchi xarid qilinsa kerak.
▪️ Markaziy hujumchi Immobile dam olayotgan bir pallada, Vedat Muriki va Kaysedo gol urmoqda – o'rtoqlik o'yinlarida 4 tadan gol bor ularning hisobida. Mashg'ulotlardagi gollarni ham qo'shib hisoblasak, Muriki – jamoaning eng yaxshi to'purari. Sarrining hujum chizig'ida deyarli rotaciyaga qo'l urmasligini inobatga oladigan bo'lsak, bu ikki futbolchidan biri o'ziga boshqa jamoa izlagani maqulroqdek. Katta ehtimol bilan bu Kaysedo bo'lishi mumkin.
Nozima Zaripova tarjimasi
Bosh sahifaga
59
