"Nasaf"dagi barcha muammolar bartaraf qilindimi?

— "Mashal"da yordamchi murabbiy sifatida faoliyat yuritayotgan edingiz. "Nasaf"ga qaytish jarayoni qanday bo'ldi?

— To'g'ri, muborakda edim. Yil avvalida "Nasaf" rahbariyatidan jiddiy taklif bo'lgach, Qarshiga ko'chib o'tdim. Hozir sport direktori sifatida ishlayapman.

— 2021 yilning boshida klub atrofida juda ham xunuk mish-mishlar yurgandi. Hattoki, "Nasaf" yo'q bo'lib ketishi haqida gapirganlar ham bo'ldi. Bu sizni cho'chitmadimi?

— Yo'q, nega qo'rqaman? Uzoq yillar davomida "Nasaf" sharafini himoya qilganman. Futbolchilik davrimda ham pul yo'q paytlar bo'lgan, o'ynaganmiz.

— Mavsum o'rtasiga kelib, barcha muammolar bartaraf qilindimi?

— Moliyaviy jihatdan juda yaxshi deb bo'lmaydi. Lekin harakat qilyapmiz. Nasib qilsa, yaxshi bo'lib ketadi.

— "Nasaf" yana OFK kubogini yutmoqchi. Ammo bugungi jamoani 2011 yilgisi bilan taqqoslash imkonsiz...

— To'g'ri, 2011 yilgi jamoa juda ham tajribali edi. Hozir ko'ryapsiz, tarkibimiz yosh, ammo harakatchan. OFK kubogidagi g'alabaga 10 yil bo'ldi. Yana harakat qilamiz.

— Klubdan erkin agent sifatida ketishi kutilgan Bozorov, Aliqulov singari futbolchilar bilan uzoq muddatli shartnoma imzolandi. Bu jarayon qiyin bo'ldimi?
— Yigitlarning maoshini oshirishimizga to'g'ri keldi. Hozir barcha futbolchilar 2024 yilning oxiriga qadar mo'ljallangan mehnat bitimiga egamiz.

— Transfer oynasida xorijdan Andriya Kaluderovich olib kelindi. Hujumchi yaxshilab o'rganildimi?

— OFK kubogida g'alaba qozonish uchun yaxshi forvard kerak bo'ladi. Bizda bolgariyalik va serbiyalik bir nechta variantlar bor edi. Ularing o'yinlarini ko'rdik va Kaluderovichni tanladik. U kecha jamoa tarkibiga kelib qo'shildi. Yangi muhitga moslashish biroz vaqt oladigan jarayon.

— Murodbek Rahmatovni (sobiq Murod Xo'jamberdiev) OFK kubogida o'ynatish rejalashtirilayotgan ekan. Bu jamoaga muammo tug'dirmaydimi?

— Yo'q, hech qanday muammo bo'lmaydi. Barcha o'z ism va familiyasini o'zgartirish huquqiga ega.

Nega turning markaziy o'yiniga VAR jalb qilinmadi?